Daktari Kortini Akituhumiwa Kusababisha Kifo cha Mtoto

Daktari Msaidizi wa Zahanati ya Rwamchanga, Miriam Martine amefikishwa Mahakama ya Wilaya ya Serengeti mkoani Mara kujibu mashtaka ya kusababisha kifo cha mtoto mchanga na kushindwa kumzalisha mama yake.

Akimsomea mashtaka juzi mbele ya Hakimu wa Mahakama hiyo, Emmanuel Ngaile, Mwendesha Mashtaka wa Polisi, Paschael Nkenyenge alidai kuwa Mei 15, katika zahanati hiyo, mshtakiwa huyo alishindwa kumzalisha mama huyo, Mugesi Juma kwa uzembe na kusababisha mtoto huyo ambaye ni pacha kufa.

Mshtakiwa huyo alikana shtaka na kupatiwa dhamana ya Sh5 milioni za maneno baada ya wadhamini wawili kukidhi masharti yaliyowekwa na mahakama hiyo, ikiwamo mmoja kuwa mtumishi wa umma. Kesi hiyo namba 85/2016, iliahirishwa hadi Mei 27, itakapotajwa tena.

Mkurugenzi Mtendaji wa halmashauri ya wilaya hiyo, Naomi Nnko alimsimamisha kazi daktari huyo siku moja baada ya kutokea kwa tukio hilo.

Wakati huohuo; Mwalimu wa kujitolea wa Shule ya Sekondari Nagusi wilayani Serengeti, Fikiri Bunduki Mochemba (22) mkazi wa Kijiji cha Singisi amefikishwa mahakamani hapo kujibu shtaka la kumpa mimba mwanafunzi wa kidato cha pili (17) shuleni hapo.

Mshtakiwa alikana shtaka na kurudishwa rumande hadi Juni mosi.

Soma Zaidi →

Mganga mbaroni akidaiwa kugoma kumhudumia mjamzito

Polisi mkoani Mara inamshikilia mganga wa zahanati katika Kijiji cha Rwamchanga wilayani Serengeti kwa madai ya kushindwa kumhudumia mjamzito aliyejifungua pacha na kusababisha kifo cha mtoto mmoja.

Kamanda wa Polisi Mkoa wa Mara, Ramadhan Ng’anzi alisema tukio hilo lilitokea Mei 15.

“Tunamshikilia kwa makosa matatu, likiwamo la uzembe, kufanya makusudi na kushindwa kuwajibika sawa na kiapo cha kazi yake, tunaendelea na mahojiano yatakapokamilika atafikishwa mahakamani,” alisema Ng’anzi.

Akisimulia chanzo cha mwanae kupoteza maisha, Shida Mugesi akiwa katika Hospitali ya Nyerere alisema alifika zahanati saa 12 asubuhi na kumuomba mganga amuhudumie, lakini alikataa.

“Nilikaa kwa muda wa saa mbili bila kupatiwa huduma, ghafla nilihisi uchungu wa kusukuma mtoto tukamuita mganga wa zamu ili anisaidie aligoma na kudai nimsubiri anakwenda kuoga na wakati huo alikuwa anazungumza kwa simu bila kuonyesha ushirikiano. Nilianza kujifungua mwenyewe,” alisema.

Muuguzi ambaye hakutaka jina lake litajwe alisema walipopima uzito wa watoto kwa mjamzito huyo walibaini kuwa aliyefariki alikuwa na kilo 2.5 na mwingine 2.3.

Muuguzi wa zahanati hiyo, Frida Kasonga alisema aliposikia taarifa ya kuwapo kwa mgonjwa huyo alilazimika kurudi kituoni kumsaidia lakini alikuta mtoto mmoja ameshafariki dunia.

“Haikuwa zamu yangu ila nililazimika kurudi baada ya kusikia mganga aliyekuwa zamu kagoma kuwasaidia,” alisema Frida.

Ofisa mtendaji kata, Fadhila Nyamburapi na Mwenyekiti wa kitogoji cha Kazi, Samwel Nyakande walilaani kitendo hicho na kutaka sheria ichukue mkondo wake.

Soma Zaidi →

Madaktari Wawili na Muuguzi Wasimamishwa Kazi Kwa Kumtolea Lugha Chafu Mjamzito Aliyejifungulia Chooni

Hospitali ya Rufaa ya Amana, Ilala imewasimamisha kazi madaktari wawili na muuguzi mmoja, kwa madai ya kumtolea lugha isiyostahili mjamzito Asha Said (17), aliyejifungulia chooni.

Tukio hilo lilitokea mwezi uliopita katika hospitali hiyo, baada ya Asha kujifungulia chooni na madaktari na wauguzi hao kumtolea lugha chafu, bila kuelezwa sababu za kufanya hivyo.

Mganga Mkuu wa Amana, Dk Meshack Shimwela alisema jana kwamba watumishi hao ambao hakuwataja wamepelekwa katika Baraza la Watumishi na Madaktari la hospitali hiyo kwa uchunguzi zaidi.

“Kilichotokea siku ile ni kauli zilizotoka kwa watumishi hao kwenda kwa mama aliyejifungua, ambaye pia alikuwa mdogo kiumri.

“Sisi madaktari na waaguzi tuna taratibu za kinidhamu, huwa tunazifuata baada ya watumishi kubainika kufanya makosa, hatua ya kwanza ndiyo hiyo tusubiri nyingine wakati uchunguzi ukiendelea dhidi yao,” alisema Dk Shimwela.

Dk Shimwela ambaye pia ni Mwenyekiti wa Chama cha Madaktari Tanzania (MAT), alisema kilichohitajika ni lugha nzuri kwa sababu kisheria ni lazima kwa mgonjwa yeyote kuoga akifika hospitali, ili kumkinga na maradhi mbalimbali.

Wakati hayo yakitokea Amana, Chama cha Wakunga Tanzania (TAMA) kimeitaka jamii kuendelea kuibua matukio ya unyanyasaji na huduma mbaya wanazofanyiwa na wakunga wakati wa kujifungua, ili vyombo vinavyohusika viweze kuliona tatizo kwa ukubwa wake na kulifanyia kazi.

Akizungumza katika kongamano la siku mbili la kujadili maendeleo ya wakunga nchini, rais wa chama hicho, Feddy Mwanga alisema kila wanaposikia malalamiko kuhusiana na unyanyasaji na huduma mbaya kwa wajawazito, chama hicho hufanya utafiti na kuchukua hatua stahiki kwa wahusika.

Soma Zaidi →

Zaidi ya Watoto 80 Hatarini Kutofanyiwa Upasuaji wa Moyo Kutokana na Uhaba Mkubwa wa Damu Muhimbili

ZAIDI ya watoto 80 wako katika hatari ya kutofanyiwa upasuaji wa moyo kutokana na Hospitali ya Taifa Muhimbili (MNH) kukabiliwa na uhaba mkubwa wa damu katika benki yake.

Hayo yalibainishwa jana na Kaimu Mkurugenzi Mkuu wa Taasisi ya Moyo ya Jakaya Kikwete (JKCT), Prof. Mohammed Janab, katika hafla ya kutambulisha madaktari kutoka Marekani waliokuja kwa ajili ya upasuaji huo.

Prof. Janab alisema mtoto mmoja hutumia chupa sita hadi nane za damu wakati wa upasuaji, hivyo kwa idadi ya watoto 80 inahitajika zaidi ya chupa 600 ili kuokoa maisha yao.

Kwa mujibu wa Prof. Janab, kwa sasa akiba ya damu iliyopo katika Benki ya Damu ni chupa 250 tu na upo upungufu wa chupa 350.

“Tunakabiliwa na uhaba mkubwa wa damu katika benki yetu ya damu, kwa kipindi cha wiki moja tumeanza kuwafanyia watoto wenye matatizo ya moyo upasuaji, lakini damu haitoshelezi ni vyema Watanzania wakajitokeza kuchangia damu,” alisema Prof. Janab.

Alisema upasuaji wa moyo unahitaji kuwapo damu nyingi na kuwaomba Watanzania kujitokeza kuchangia ili kuokoa maisha ya watoto hao.

Prof. Janab alisema kufanyika kwa upasuaji huo nchini kumeokoa fedha nyingi kwani watoto hao wangesafirishwa nje ya nchi zingetumika zaidi ya Sh milioni 10 hadi 60 kwa kila mtoto ili kukamilisha upasuaji wake.

“Watoto hawa watafanyiwa upasuaji kupitia msaada wa Taasisi ya Muntada Aid kutoka Marekani, hivyo ni vyema kuwachangia damu ili kuwapa moyo wahisani hao,” alisema.

Prof. Janab alisema kuanzia Januari mwaka huu hadi Machi, taasisi hiyo kwa kushirikiana na jopo la wataalamu kutoka nchi mbalimbali, wameweza kuwafanyia upasuaji wa moyo wagonjwa 90 na hali zao zinaendelea vizuri.

Alisema kwa kipindi cha Aprili mosi hadi kufikia jana, tayari wamewafanyia upasuaji wagonjwa 45 wakiwamo watoto wadogo na watu wazima.

Naye Kaimu Balozi wa Marekani nchini, Matt Sutheland, alisema hii ni mara ya pili kwa nchi yake kuisaidia Taasisi ya Jakaya Kikwete kwa lengo la kuokoa maisha ya watoto walio na ugonjwa wa moyo.

Balozi Sutheland alisema ni wajibu wa kila mtu kuwasaidia watoto wenye matatizo ya moyo ili waweze kuishi na kusogeza ndoto zao kwani mtoto ndiyo jicho la pili katika nchi.

Kwa upande wake, Daktari Bingwa wa Magonjwa ya Moyo kutoka Taasisi ya Jakaya, Dk. Tulizo Sanga, alisema ni vyema wajawazito kuhakikisha wanapata chanjo kamili katika kipindi chote cha ujauzito.

Dk. Sanga alisema wajawazito kutozingatia taratibu za chanjo pamoja na kumeza dawa ovyo bila ushauri wa daktari wakati wa ujauzito, husababisha kujifungua watoto wenye ugonjwa wa moyo.

Utafiti uliofanywa duniani mwaka 2012 hadi 2015 umeonyesha kuwa zaidi ya wagonjwa 400 hadi 600 wanaosafirishwa nje ya nchi kutoka katika nchi za Afrika, asilimia 50 wamekumbwa na tatizo la ugonjwa wa moyo.

Soma Zaidi →

Ugonjwa Mpya Usiojulikana Waibuka Nchini

UGONJWA usiojulikana jina wala chanzo chake, umeingia nchini kupitia Mkoa wa Kigoma, imeelezwa.

Wizara ya Afya, Maendeleo ya Jamii, Jinsia, Wazee na Watoto ilisema jana kuwa hadi sasa watu 1,467 wamegundulika kuugua ugonjwa huo.

Kwa mujibu wa wizara hiyo, ugonjwa huo uliripotiwa tangu Aprili 23 mwaka huu katika Vijiji vya Songambele, Buhigwe na Mulele wilayani Buhigwe mkoani Kigoma.

Hata hivyo, hakuna taarifa zozote kuhusu kutokea vifo na uchunguzi unaendelea na hakuna kifo kilichoripotiwa.

Msemaji wa Wizara hiyo, Nsachris Mwamwaja alisema Dar es Salaam jana kuwa  watu waliopatwa na ugonjwa huo wamekuwa na dalili zinazofanana.

Alisema wagonjwa  hupatwa na homa kali, kichwa kuumwa na kulegea mwili.

Dalili nyingine   ni maumivu ya viungo, maumivu ya tumbo, kuharisha, kutapika na kizunguzungu.

Mwamwaja alisema matibabu kwa wagonjwa hao yanaendelea   na timu ya wataalamu tayari ipo mkoani Kigoma kwa ajili ya uchunguzi   wa ugonjwa huo.

“Wagonjwa 1,467 wana dalili za homa, kuumwa kichwa, kulegea mwili, maumivu ya viungo, maumivu ya tumbo, kuharisha, kutapika na kizunguzungu.

“Kijiji cha Songambele ndicho kimeripotiwa kuwa na wagonjwa wengi zaidi kikiwa na asilimia 68 ya wagonjwa wote.

“Matibabu yanaendelea kwa wagonjwa wote na timu ya wataalamu ipo mkoani humo kufuatilia kwa karibu chanzo zaidi cha ugonjwa huo,” alisema Mwamwaja.

Soma Zaidi →

Wanaoficha watoto wenye vichwa vikubwa washauriwa kuacha

JAMII imeshauriwa kutowafungia ndani watoto wenye vichwa vikubwa, badala yake wa wawapeleke hospitali ili kupatiwa matibabu.

Ushauri huo umetolewa na Mwenyekiti wa Chama cha Wazazi wa Watoto Wenye Vichwa Vikubwa (ASBAHT), Abdulhakim Bayakub, wakati akizungumza na waandishi wa habari katika mkutano wa kujadili changamoto zinazowakabili watoto hao.

Alisema watoto wenye vichwa vikubwa kama watapatiwa matibabu mapema wanaweza kuondokana na ulemavu usiokuwa wa lazima.

“Wapo baadhi ya wazazi bado wanawafungia ndani watoto wao kwa madai ya kuwa ni walemavu kutokana na vichwa vikubwa walivyonavyo, lakini huu si ulemavu, tumewashuhudia watoto wengi waliofanyiwa upasuaji wa vichwa vikubwa wamepona na kurudi katika hali yao ya kawaida,” alisema Bayakub.

Alisema wapo baadhi ya watoto wanawahishwa hospitali lakini wazazi wanapotakiwa kuwarejesha tena kwa ajili ya uchunguzi huwa hawawarudishi, hali inayosababisha ongezeko kubwa la vifo vya watoto wenye vichwa vikubwa.

“Asilimia 60 ya watoto wanaofanyiwa upasuaji hawajarudishwa tena hospitali, inakadiriwa wamefariki dunia, kwani hakuna taarifa yoyote inayothibitisha kama wapo hai,” alisema Bayakub.

Alisema changamoto kubwa inayowakabili wazazi wa watoto wenye vichwa vikubwa ni kutokuwa na uwezo, kwani kati ya watoto 600 mtoto mmoja ndio hutibiwa kwa matibabu binafsi, waliobaki wote huendelea kusota kusubiri msamaha wa matibabu.

Kwa upande wake, Daktari wa Taasisi ya Mifupa na Mishipa ya Fahamu (MOI), Rebeca Majige, alisema ipo haja ya kutoa elimu kwa wazazi wa watoto wenye vichwa vikubwa ili kupunguza ongezeko la vifo vya watoto hao.

Alisema kati ya asilimia 45 hadi 48 ya watoto waliopo wodini hukutwa na matatizo yote mawili, wakiruhusiwa kutoka hushindwa kurudi  hospitali kwa ajili ya kuangalia maendeleo ya afya  zao na kusababisha ongezeko la kubwa la watoto hao kupata maradhi ya maambukizi.

Aidha aliitaka Serikali kuongeza bajeti katika Wizara ya Afya ili kuweza kuwasaidia kimatibabu watoto wenye vichwa vikubwa na mgongo wazi.

Soma Zaidi →

"NISAIDIENI, NATESEKA" ALIA MTOTO SELEMANI.....

HAKIKA ni mateso, tena makubwa. Mtoto Selemani Rajabu mwenye umri wa miaka 17, mkazi wa Ukonga kwa Guta, jijini Dar yuko katika mateso makali baada ya mguu wake mmoja kuvimba mithili ya tairi la gari kiasi kwamba hawezi kufanya jambo lolote zaidi ya kujiburuza tu.
Akizungumza na gazeti hili nyumbani kwao akiwa na simanzi kubwa, kijana huyo amesema kwamba anakumbuka amezaliwa akiwa na ulemavu kidogo chini ya nyayo za miguu yake ambazo zilikuwa nene kiasi cha kumfanya ashindwe kutembea na badala yake akawa ni mtu wa kutambaa tu.
Alisema wakati huo alikuwa akiishi na wazazi wake wote wawili, lakini baadaye wazazi hao walitengana na kumfanya aishi na mama yake huko Pugu Kajiungeni. Kutokana na uwezo duni wa mama yake, alimpeleka hospitali mara moja tu, licha ya mguu wake kuendelea kuvimba kila siku.

“Nakumbuka mama yangu aliwahi kunipeleka hospitali mara moja tu nilipokuwa mdogo, lakini sikumbuki kama aliwahi kunipeleka tena,” alisema Selemani akiwa na sura ya kukata tamaa.
Alisema tangu wakati huo, mguu wake uliendelea kuvimba siku hadi siku mpaka akashindwa hata kutambaa kama mwanzo na sasa akalazimika kujiburuza licha ya uzito mkubwa wa mguu wake kutokana na kuongezeka kwa uvimbe.
Kutokana na hali hiyo kuzidi kuwa mbaya, alisema mwaka jana mama yake alimpeleka Hospitali ya CCBRT ambako baada ya madaktari kumuangalia walisema mguu wake hauna maji ambayo wangeweza kuyanyonya ili kuyatumia kupata vipimo na kujua tatizo linalomsumbua.
Hata hivyo, kwa bahati mbaya, mama yake mzazi alifariki na kumlazimu baba yake kwenda kumchukua na kumpeleka kwa bibi yake huko Manzese.
“ Hali ya bibi haikuwa nzuri kiafya, hivyo baba alinichukua tena na kuishi naye kwake nikiwa na mama wa kambo,” alisema Selemani.
Mtoto huyo analalamika kuwa anatamani hata mguu wake huo ukatwe kutokana na adha anayoipata kwani anakosa raha kama watoto wengine wanaotoka nje wenyewe tofauti na yeye anayetolewa kwa kuburuzwa na watu zaidi ya wawili.
“Siku zote na raha kunapokucha najiona kama sina thamani, natamani hata mguu huu ukatwe, siwezi kufanya kitu chochote, natamani kuwa kama watoto wenzangu,” alisema.
Licha ya adha hiyo, Selemani alisema kingine kinachomuumiza ni kufanya haja zote  sehemu alipokaa na hivyo kutoa wito kwa wasamaria, akiwemo Rais Jakaya Kikwete kumsaidia ili aweze kupata matibabu.
Kwa wenye nia ya kumsaidia mtoto Selamani, kwa matibabu au chakula, wanaombwa kuwasiliana na chumba cha habari kwa simu namba 0713 612 533. 

Soma Zaidi →

HATIMAYE KINYWAJI CHA SODA CHAANZA KUPIGWA MARUFUKU NCHI ZA NJE

*Yakatazwa shuleni, watoto chini ya miaka 12
*Sasa yabainika kuwa ina sumu inayoua taratibu
*Yagundulika kupumbaza na kusababisha uteja

SIKU chache baada ya gazeti la Mtanzania kuripoti madhara yanayosababishwa na kinywaji aina ya soda, katika utafiti wake gazeti hilo limebaini mengine mapya.

Kwa mujibu wa utafiti huo, imebainika kuwa soda imepigwa marufuku kutumiwa na watoto walio na umri chini ya miaka 12 na walio shuleni katika baadhi ya mataifa ya Ulaya na Marekani, kutokana na madhara ya kiafya yanayosababishwa na kinywaji hicho.

Taarifa zilizotolewa na Shirika la Habari la The Press Television Technology Advertising and Branding (Adweek) zinazonukuu taarifa ya kampuni moja kubwa duniani inayozalisha kinywaji aina ya soda, imeamua kupambana na unene (obesity), unaosababishwa na unywaji wa soda kwa kuondoa matangazo ya vinywaji vyake kwenye vyombo vya habari.

Kampuni hiyo kupitia taarifa yake hiyo iliyotolewa katika moja ya sherehe zake, ilieleza kuwa lengo la kuondoa matangazo hayo ni kuwanusuru watoto wadogo na matumizi ya vinywaji aina ya soda vilivyobainika kuwa na madhara katika mwili wa binadamu.

Nchini Marekani, tayari imekwishapitishwa sheria inayokataza watoto walio na umri wa chini ya miaka 12, kunywa kinywaji aina ya soda.

Mwenyekiti wa Kampuni hiyo, alieleza kuwa mipango ya mbeleni ya kampuni yake ni kutengeneza kinywaji hicho kikiwa na kiwango kidogo cha Kalori na kubuni kinywaji cha aina hiyo ambacho kitakuwa hakina Kalori.

Alisema mipango hiyo itatekelezwa duniani kote ambako kinywaji cha aina ya soda kinatengenezwa na nchini Marekani tayari imekwishaanza kutekelezwa.

Aidha, Kampuni hiyo imeahidi kuweka wazi virutubisho vyote vinavyotumika kutengeneza bidhaa zake na kuahidi kutoa misaada ya hali na mali kwa nchi zote 200 duniani ambako kinywaji cha soda kinauzwa.

Mbali na Marekani, kinywaji cha aina ya Soda kimekwishapigwa marufuku shuleni katika nchi za Uingereza, Ufaransa na katika majimbo ya Los Angeles, Philadelphia na Miami nchini Marekani na kwa watu wazima matumizi yake yanaelekezwa kuwa ya kiwango kidogo sana.

Vyombo vya habari vya nchini New Zealand, mwezi Machi mwaka huu viliripoti kuwa mwanamke mmoja aliyefahamika kwa jina la Natasha Harris (31), alifariki kutokana na unywaji wa soda nyingi.

Shirika la habari la AFP la Ufaransa, liliripoti tukio hilo kwa kueleza kuwa Natasha alikuwa akinywa soda nyingi kila siku, jambo ambalo liligeuka kuwa sehemu ya maisha yake kwa kipindi cha miaka mingi.

Kwamba familia ilikuwa ikimuita teja wa soda, baada ya meno yake kuoza kwa sababu ya kunywa soda, alijifungua mtoto ambaye hakuwa na fizi jambo ambalo liligundulika baadaye kuwa lilisababishwa na matumizi makubwa ya kinywaji hicho.

“Tumegundua kwamba, kwa kuzingatia ushahidi uliopo, kama sio unywaji wa soda uliopitiliza, Natasha Harris asingekufa katika muda ule na katika hali alivyokufa

“Ripoti ya Daktari aliyechunguza maiti yake (Pathologia), iligundua kwamba ini lake lilipanuka sana, likawa na mrundiko mkubwa wa mafuta kutokana na kula sukari kwa wingi. Kuwepo kwa madini aina ya ‘potasiam’ kwa kiwango kidogo sana kwenye damu yake, pia kulitokana na unywaji wa soda.” Taarifa ya kitabibu katika Hospitali aliyofia nchini New Zealand ilieleza.

Kwa mujibu wa tafiti mbalimbali za kisayansi zilizo kwenye mitandao ya wanasayansi waliobobea duniani, unywaji wa soda humpumbaza mtumiaji na kumsahaulisha kula vyakula vyenye madini muhimu mwilini.

Moja ya andishi linalotahadharisha utumiaji wa kinywaji cha soda na kukitaja kuwa cha hatari kwa matumuzi ya binadamu, ni Jack Winkler, Profesa wa sera za lishe katika Chuo Kikuu cha Metropolitan nchini London, linaloeleza kuwa Soda ni bidhaa ya kishetani inayoua binadamu taratibu baada ya kinywaji hicho kumzalishia magonjwa mengi mwilini yanayomfanya kuwa tegemezi wa dawa.

Wakati msomi huyo akieleza hayo katika utafiti wake, Mkurugenzi wa Mamlaka ya Chakula na Dawa (TFDA) Dk. Raymond Wigenge, amelieleza gazeti hili soda siyo kinywaji hatari kwa matumizi ya binadamu kwa sababu kinatumiwa na mamilioni ya watu duniani kote.

Akizungumza na MTANZANIA Jumatano ofisini kwake wiki iliyopita baada ya kutoa ufafanuzi kuhusu madhara yanayosababishwa na kinywaji aina ya soda katika mwili wa binadamu, Dk. Wigenge alisema pamoja na changamoto zilizopo katika kinywaji hicho, taasisi yake haipingi uwepo wa kinywaji hicho sokoni.

“Soda haina shida kwa binadamu na hata mkiendelea kuandika suala hili, sisi tutaendelea kuueleza umma kwamba waendelee kupata kinywaji, hivyo kama ambavyo tumekuwa tukifanya,” alisema.

Alipoulizwa kama anakubaliana na tafiti za wanasayansi bingwa wa magonjwa ya binadamu walioeleza katika tafiti zao kuwa unywaji wa soda una madhara katika mwili wa binadamu, alisema hizo ni changamoto za kawaida, kwa sababu madhara yaliyomo kwenye soda hayamuathiri mtu mara moja bali huchukua muda mrefu.

Wakati Dk. Wigenge akieleza msimamo wake kuhusu kinywaji aina ya soda, nchini Mexico, taasisi ya El Poder del Consumidor inayojihusisha na kutetea walaji, inashinikiza Serikali ya nchi hiyo kuzilazimisha kampuni za soda kuorodhesha madini na chembechembe zote za kemikali zinazotumika kutengeneza kinywaji hicho.

Mkurugenzi wa taasisi hiyo, Alejandro Calvillo, amekaririwa na vyombo vya habari vya nchi hiyo akieleza kuwa unywaji wa soda ni hatari na hilo limethibitishwa na wataalamu wa afya duniani kuwa soda ni sumu mbaya, inauwa taratibu.

Tafiti mbalimbali za wanasayansi zinaeleza kuwa soda ina asidi aina ya ‘phosphoric’ yenye uwezo wa kuvuruga madini ya ‘calcium’ yaliyoko mwilini na kusababisha mifupa na meno kudhoofika.

Aidha, asidi aina ya ‘phosphoric’ huvuruga asidi aina ya ‘hydrochloric’ iliyo tumboni mwa binadamu na hivyo kuharibu mfumo wa kusaga chakula.

Viwanda vya soda ndio watumiaji wakubwa wa sukari na wanasayansi wanasema sukari hupandisha kiwango cha ‘insulin’ ambayo husababisha kasi ya mzunguko wa damu, ugonjwa wa moyo, kupanda kwa ‘Cholesterol, kisukari, kuzeeka mapema, ongezeko la uzito na maradhi mengine.

Aidha inadaiwa kuwa viwanda vya soda pia hutumia dawa ya kulevya aina ya kafeini. Wataalamu wanasema vinywaji vyenye kafeini, husababisha kupanda kwa mapigo ya moyo, kasi ya mzunguko wa damu na matatizo ya kizazi.

Soma Zaidi →

TAARIFA MUHIMU KUHUSU AFYA YA MZEE SMALL...

Taarifa / Mrejesho : Kwa wote walioguswa na kuumwa kwa nguli wa sanaa za maigizo hapa nchini, Mzee Small, taarifa ni kuwa amepata nafuu na anatembea japo kwa fimbo ingawa mkono wake bado umelemaa. Changamoto kubwa kwake ni dawa za kuchua, takribani 30,000/= kwa mwezi pamoja dawa za kusaidia kuyeyusha damu iligundulika kuganda kichwani mwake, takribani 50,000/= kwa mwezi pamoja na mengineyo madogo madogo, ANAWASHUKURU SANA WOTE MNAOGUSWA NA KUMJALI, Kwa msaada wowote tafadhali wasiliana na mkewe, 0658111311.
 
Angalizo; Bi Kidude aliteseka mno na hata nyumba aliyokuwa akiishi kwa muda mrefu ilikuwa pagale, na bila aibu alipofikwa na umauti, Rais wetu wa Serikali ya Mapinduzi aliongoza ujumbe wa Serikali na mengi mazuri yalisemwa juu ya nyota hii iliyoachwa ikaadhirika, NAULIZA TU HIVI MPAKA LINI?????????

Soma Zaidi →

TANGAZO LA NAFASI ZA AJIRA KADA ZA AFYA 2012-2013

Soma Zaidi →

HUYU NDIYE MWANAUME ALIYELAZWA KWENYE WODI YA AKINA MAMA KWENYE HOSPITALI YA AMANA..!!

Katika hali ya kushangaza, mwanaume mwenye asili ya Kiarabu  aliyetambulika kwa jina la Karina Mohamed (20), aliwaacha midomo wazi madaktari, wauguzi na wagonjwa wa Hospital ya Amana, jijini Dar baada kulazwa katika wodi ya wanawake akidhaniwa ni mwanamke.

Kwa mujibu wa chanzo makini, mgonjwa huyo alilazwa hospitalini hapo Aprili 24, mwaka huu ambapo alifikishwa na dada mmoja ambaye jina lake halikufahamika mara moja huku akiwa hajitambui, akiwa amevalia mavazi ya kike hivyo madaktari kuamua kumlaza katika wodi ya wanawake.

Chanzo chetu kilizidi kueleza kwamba baada ya mgonjwa huyo kupelekwa wodini, hakuna hata mgonjwa mmoja aliyeweza kumtambua kuwa ni mwanaume kutokana na maumbile yake kufanana kabisa na ya kike lakini wakati madaktari wakiendelea kumhudumia, Aprili 25 akafariki dunia.
Imeelezwa kuwa baada ya kuzidiwa sana, mhudumu wa hospitali hiyo alipotaka kumuwekea mpira kwa ajili ya kujisaidia haja ndogo ndipo aliposhtuka baada ya kubaini kuwa ana jinsia ya kiume tofauti na alivyodhania.
“Kitendo kile kilimshangaza sana muuguzi huyo na kudondosha kila kitu alichokuwa nacho mkononi huku akisema: Huyu mgonjwa mwanaumeee jamani.”
Mara baada ya waandishi wetu kupewa taarifa, walifika hospitali hapo na kuonana na katibu wa hospitali hiyo aliyejitambulisha kwa jina la Tunu Mwachali ambaye alithibitisha kutokea kwa tukio hilo na kusema kuwa suala hilo lipo mikononi mwa polisi.
Kamanda wa Polisi, Mkoa wa Kipolisi Ilala, Marietha Minangi alithibitisha kutokea kwa tukio hilo na kudai kuwa mgonjwa huyo alifikishwa hospitalini hapo Aprili 24, mwaka huu na kulazwa wodi namba 2 ya wanawake na kufariki dunia akiwa anapatiwa huduma na kuongeza kuwa ndugu zake bado hawajafahamika ila jeshi linaendelea na uchunguzi.

Soma Zaidi →

"TUNALAZIMIKA KUTUMIA 0718 TUKIWA KATIKA SIKU ZETU HUKU POLISI NAO WAKITUINGILIA KWA NGUVU"....MAKAHABA

Jana CLOUDS FM iliripoti kuhusu kushamiri kwa Biashara ya Ngono katika Maeneo mbalimbali ya jiji la Dar es Salaam  na  jinsi  serikali  inavyolishughulikia  tatizo  hilo  linalokua  kwa  kasi....

Wakihojiwa  kwa  nyakati  tofauti, baadhi ya wasichana wanaojishughukisha na biashara hiyo wameelezea changamoto mbalimbali wanazokutana nazo katika kazi hiyo hususani nyakati za usiku.

Wakizungumzia adha wanazokutana nazo Wasichana hao wamesema kuwa licha ya kukabiliwa hali ngumu ya maisha iliyopelekea kuingia katika biashara hiyo, bado wamekuwa wakikutana na matukio mabaya ikiwemo kukamatwa na kuingiliwa kinguvu na baadhi ya watu wanaojitambulisha kwao kuwa ni askari wa Polisi jamii.

Mbali na hilo Wasichana hao wamesema hali ngumu ya Maisha imekuwa ikiwalazimu kufanya mapenzi kinyume na maumbile wanapokuwa kwenye Hedhi, pasipo kujali hatari ya kukumbwa na maradhi yoyote.


Hivi karibuni Jeshi la Polisi Mkoa wa Kinondoni lilitangaza mpango wa kuwaondoa wasichana wamaojishughulisha na Biashara ya ngono mitaani na kuwashtaki kwa mujibu wa Sheria ya makosa ya uvunjifu amani na ukiukwaji wa maadili.

Wakizungumza baadhi ya wadau kutoka mashirika na Taasisi mbalimbali za kutetea haki za Binadamu nchini, ambapo kituo cha Sheria na haki za Binadamu pamoja na taasisi ya kutetea haki za Binadamu ya Chuo Kikuu cha Tumaini, kimesema kuwa kitendo cha kuwakamata wasichana hao hakiwezi kuwa suluhisho la kutokomeza Biashara ya ngono nchini.

 
Eneo la MANZESE Uwanja wa Fisi ni miongoni mwa Maeneo ambayo Jeshi la Polisi kanda maalum ya Dar es salaam limeliainisha kuwa limekuwa likikithiri kwa Biashara hiyo

Soma Zaidi →

MTUHUMIWA WA MAUAJI YA MWANGOSI APATWA NA UGONJWA WA AJABU GHAFLA...!!

Huyu ndie mtuhumiwa wa mauawaji ya Mwangosi (kulia) 

MTUHUMIWA wa mauwaji ya aliyekuwa mwandishi wa habari wa kituo cha Chanel Ten mkoani Iringa marehemu Daudi Mwangosi askari wa FFU mwenye namba G2573 Pasificus Cleophace Simoni (23)akwama kufikishwa mahakamani baada ya kudaiwa kuwa ni mgonjwa.

Mtuhumiwa huyo alipaswa kufikishwa mahakamani hapo jana ila hakufikishwa kabisa.

Mbali ya watu mbali mbali kufika katika Mahakama hiyo ya hakimu mkazi mkoa wa Iringa kwa ajili ya kusikiliza kesi hiyo bado mahakama hiyo ilielezwa kuwa mtuhumiwa huyo ameshindwa kufika mahakamani leo kutokana na tatizo la ugonjwa linalomsumbua ambapo hata hivyo haijaelezwa mtuhumiwa huyo ana sumbuliwa na nini.

Kutokana na mtuhumiwa huyo kushindwa kufika kutokana na ugonjwa hakimu wa mahakama hiyo Mary Senapee alihirisha kesi hiyo hadi Mei 9 itakapofika mahakamani hapo kwa ajili ya kutajwa tena.

Kesi hiyo yenye mvuto mkubwa kwa wakazi wa mkoa wa Iringa na watanzania pamoja na dunia kwa ujumla imekuwa ikiendelea kutajwa katika mahakama ya hakimu mkazi mkoa wa Iringa na hadi sasa ni zaidi ya mara 12 imekuwa ikitajwa bila kusikilizwea .

Soma Zaidi →

Shahidi aeleza alivyoombwa rushwa na daktari Muhimbili..!!

Deodata MatikoDaktari wa Hospitali ya Taifa Muhimbili

Kitengo cha Mifupa (Moi), 

Shahidi Stanford Mhina, katika kesi inayomkabili daktari wa Hospitali ya Taifa Muhimbili Kitengo cha Mifupa (Moi), Deodata Matiko, kuomba rushwa kwa mgonjwa, amedai mahakamani kwamba muuguzi Erick Kimwomwe, alimwomba rushwa ya Shilingi milioni moja ili mgonjwa wake apate tiba ya haraka.

Kadhalika, shahidi huyo amedai mahakamani jinsi alivyofanikisha mtego wa Taasisi ya Kuzuia na Kupambana na Rushwa (Takukuru) hadi mshtakiwa akanaswa.

Mhina, alitoa madai hayo jana jijini Dar es Salaam wakati akitoa ushahidi wake mbele ya Hakimu Mkazi Mkuu, Hellen Riwa.
Shahidi huyo ambaye alikuwa akimuuguza ndugu yake hospitalini hapo, alidai muuguzi Kimwomwe, alimwomba rushwa ya Shilingi milioni moja akampe daktari ili akamfanyie haraka upasuaji ndugu yake aliyekuwa amelazwa Jengo la Sewahaji, wodi namba 18, akisumbuliwa na mgongo.
Mgonjwa huyo, Fanuel Gideon, alipelekwa Moi baada ya kupewa rufaa na Hospitali ya Tumbi iliyopo Kibaha mkoani Pwani.

Gideon, alipata ajali ya gari maeneo ya Kibaha na kuvunjika mgongo.

“Niliwafahamisha maofisa wa Takukuru, Leonard Mkama, Patrick Katemba, Lina Mazengo na Anjela, tukaondoka hadi Muhimbili wakidai wanataka kumuona mgonjwa, wakati tukijiandaa kuingia wodini, tulikutana na Erick mlangoni...nilimtambulisha Erick kwa Mazengo kwamba ni shemeji yangu, akaniuliza, vipi kaka, nikamjibu wewe tu, akaniambia nikamuone saa nane, mapokezi Moi” alidai shahidi na kuongeza:

“Mimi na maofisa wa Takukuru, tuliingia kumuona mgonjwa, tulipotoka waliniambia watasubiri hadi saa nane ninapokwenda kukutana na Kimwomwe, kwa ajili ya kumpa fedha za rushwa kama tulivyokubaliana,” alidai Mhina.

Alidai ilipofika saa 8:00, aliongozana na Mazengo hadi mapokezi Moi, akapiga simu kumwita Erick, alipofika aliwachukua hadi ghorofa ya kwanza chumba namba tatu.

“Wakati tukielekea katika chumba hicho, maofisa wengine wa Takukuru walikuwa wakitufuatilia bila muuguzi huyo kujua, tulipofika mlangoni, Kimwomwe aligonga mlango tukaingia ndani…nilimkuta binti kavaa koti jeupe nikajua ndiye daktari, nilipouliza daktari wenyewe yupi, yule binti akajibu katoka isipokuwa kamwachia maagizo amchukulie mzigo wake,” alidai shahidi huyo.

“Ofisa wa Takukuru aliniamuru niwape fedha, nikaziweka mezani, daktari na Kimwomwe, walishirikiana kuhesabu fedha hizo, zilipofika Sh. 300,000, daktari alimshtukia ofisa huyo na kumwambia mbona unachezea simu usijekuwa umeleta fedha za moto,” alidai shahidi huyo akimnukuu mshtakiwa.

Hata hivyo, ofisa huyo wa Takukuru alimjibu kwamba anachezea simu kwa kuwa ni mambo ya `blackberry', walipoendelea kuhesabu maofisa wengine waliingia na kuwakamata washtakiwa ambao baadaye walifikishwa mahakamani.

Soma Zaidi →

'Nisaidieni kuokoa maisha ya mwanangu,ana utumbo nje ya mwili ' .....mama mzazi alia...!!

Selemani Abdallah

Hana sehemu ya kutolea haja kubwa

Selemani Abdallah (pichani), amezaliwa bila sehemu ya kutolea haja kubwa hali iliyosababisha kujisaidia kupitia mdomoni.

Kutokana na tatizo hilo, Veronica  Laurent (26), mzazi wa mtoto Selemani anaomba msaada wa matibabu na chakula kuokoa maisha ya mwanae.

Aliwaomba watakaoguswa na  tatizo hilo kumchangia  Sh milioni mbili kwa  ajili ya matibabu na huduma muhimu.


Selemani anahitaji kufanyiwa upasuaji kumtengenezea  sehemu ya kutolea haja kubwa kutokana na kasoro za kuzaliwa.

Veronica anayeishi Bunju Dar es Salaam, akizungumza na mwandishi wetu, alisema mwanae mwenye umri wa mwaka mmoja na miezi mitatu alizaliwa Mwananyamala  hospitalini na kugundulika na tatizo hilo.

Kutokana  na kasoro hiyo, alifanyiwa upasuaji katika Hospitali ya Taifa Muhimbili kutengeneza njia ya muda ya kutolea haja kubwa.

“Alitengenezewa njia ya muda tumboni karibu na kitovu ambapo palipasuliwa na kuuvuta utumbo nje ili kupitisha choo jambo ambalo lilifanywa kama huduma ya kwanza.”
Aliongeza, “anatumia sehemu hiyo kutoa kinyesi , mkojo hutoka kwa njia ya kawaida lakini kinachomuumiza ni utumbo uliovutwa nje kuendelea kutoka muda wote na kusababisha kidonda kibichi.”

Alisema licha ya kidonda hicho kuwa kibichi  kinatoa damu na harufu na kwamba anaukandamiza utumbo ili kuurudisha ndani hali inayoongeza maumivu.

Alisema baba wa mtoto huyo alimtelekeza kutokana na kuzaa  mtoto mwenye kasoro, alitimuliwa kwa mwajiri aliyekuwa anafanyakazi za ndani kufuatia  tatizo la mwanae.
Veronica alisema anahitaji  zaidi ya Sh milioni 1,500,000 kwa ajili ya upasuaji pekee.

Veronica na Selemani  hawana makazi wanaishi kwenye viwanja vya Kanisa la Ufufuo na Uzima  lililoko Kawe na kuhudumiwa na waumini.

Aliomba watakaoguswa na tatizo lake wafikishe msaada kwa Mhariri wa Nipashe kwa simu  0714-654164 ama ufike  ofisi ya The Guardian Ltd Mikocheni karibu na kituo cha televisheni cha  ITV.

Kadhalika anaweza kuwasiliana na Veronica kupitia namba 0763-411777 au 0712-004677.

CHANZO: NIPASHE

Soma Zaidi →

HII NDIO DALADALA AMBAYO DEREVA WAKE KAPIGWA RISASI AKIWA KWENYE FOLENI SINZA ....!!

Tukio lilitokea Ijumaa usiku kwenye saa tatu kasoro Sinza Kumekucha Dar es salaam karibu na kanisa la KKKT ambapo ilikua ghafla mlio wa risasi ukasikika ikiwa imelengwa kwa dereva wa daladala.

Watu waliokuwepo karibu wamesema dereva wa hii daladala anadaiwa kumkosea na kumkasirisha mtu wa pikipiki alipokua kwenye foleni.

Ghafla mtu huyo wa pikipiki ambae hakufahamika akiwa amebeba abiria inadaiwa alipita kwa mbele akachomoa bastola na kupiga risasi na kuondoka.

Inadaiwa dereva wa daladala aliepigwa risasi kichwani, alifariki muda mfupi baada ya tukio hilo huku watu wakishuhudia abiria mbalimbali wakitokea madirishani na wengine wakitoa vitu vyao kupitia madirishani.

Soma Zaidi →

HATARII...KANSA YA NGOZI ITOKANAYO na KUWEKA LAPTOP MAPAJANI YAITINGISHA DUNIA..!!

HATARII...UGONJWA UTOKANAO na KUWEKA  LAPTOP MAPAJANI MWAKO PINDI UTUMIAPO.Huu ndo ugonjwa utokanao na kuweka laptop mapajani.Kwa faida ya afya zetu thechoice inawakumbusha kuepuka kutumia laptop kwa mtindo huo na yakupasa kutumia mbinu mbadala ili kuweza kulinda afya zetu.

Soma Zaidi →