Super Bets Dar kikaangoni kwa kushindwa kumlipa mteja aliyeshinda milioni 160

Mkeka umegeuka shubiri kwa kampuni ya michezo ya bahati nasibu na kubashiri matokeo ya michezo, Super Bets ya jijini Dar es Salaam baada ya kushindwa kuwalipa wateja wake waliodai kushinda kiasi kikubwa cha fedha. 

Mmoja kati ya wateja hao anadaiwa kushinda shilingi milioni 164 Jumatatu hii. Msimamizi wa Super Bets aliyejitambulisha kwa jina la Amani, aliongea na kipindi cha Sports Extra cha Clouds FM kuwa watu hao walishinda kimakosa. Amedai kuwa moja ya vyanzo vinavyowapatia matokeo ambayo kwenye mkeka zinaitwa odds ilikuja ndivyo sivyo.

“Baada ya hapo timu yetu ya masoko ilipogundua kuna tatizo hilo limetokea ina maana wakaja wakalifanyia kazi wakatujulisha tukagundua kuwa kuna tatizo fulani lilitokea tukalifanyia marekebisho. Baadhi ya wateja walikuja hapa wakasema wameshinda kutokana na zile odds za 98, tukawaambia wasubiri kwamba tunalishughulikia kwamba kuna matatizo ya kimtandao yalitokea. Tutawalipa kutokana na correct odds ambazo zilitolewa katika mtandao baada ya kurekebishwa hilo tatizo,” alisema.

Kwa upande wake Mkurugenzi Mtendaji wa bodi ya michezo ya kubahatisha nchini, Abbas Tarimba amedai kuwa wateja hao wamewasilisha malalamiko yao na wanayafanyia kazi.

Amedai kuwa maafisa wa bodi hiyo walienda kwenye ofisi za Super Bets kufanya uchunguzi kwenye server zao ili kubaini ukweli na wamewaomba walalamika siku mbili kukamilisha uchunguzi huo.

Miaka ya hivi karibuni betting kwenye michezo imekuwa biashara kubwa huku kukiwepo na makampuni mengi yanayochezesha na kuwavutia watu wengi hasa vijana.

Soma Zaidi →

Video: Inasikitisha....Cameroon Wapoteza Tena Staa Mwingine Uwanjani

Kama ni mfuatiliaji mzuri wa mitandao ya soka barani Ulaya huenda utakuwa umekutana na taarifa za kusikitisha kwa taifa la Cameroon, usiku wa May 6 2016 Cameroon na Afrika  kwa ujumla ilipata taarifa za kushtusha, baada ya kupokea taarifa za kifo cha kiungo wa kimataifa wa Cameroon aliyekuwa anaichezea Dinamo Bucuresti Patrick Ekeng.

Ekeng enzi za uhai wake

Ekeng amefariki baada ya kuanguka uwanjani dakika ya 70 wakati wa mchezo wa Ligi Kuu Romania uliokuwa unahusisha klabu yake ya Dinamo Bucuresti  dhidi ya Viitorul, mchezo ambao ulikuwa unarushwa live kwenye TV, tukio la Ekeng kuanguka limetokea wakati akiwa kasimama peke yake bila ya mpira.

Mbia alipost picha waliyopiga pamoja wakiwa timu ya taifa ya Cameroon

Taarifa za kifo cha Ekeng ambaye zilithibitishwa masaa mawili baada ya kufikishwa hospitali, zinakuja baada ya miaka 13 toka Cameroon impoteze kiungo wake Marc-Vivien Foe kwa stahili kama hiyo, tukio ambalo lilitokea June 26 2003 wakati wa michuano ya Kombe la mabara iliyokuwa inafanyika Ufaransa na mchezo ulikuwa dhidi ya Colombia.

Beki wa Arsenal Bellerin na mshambuliaji wa Man United Anthony Martial ni miongoni mwa mastaa walioguswa na kifo cha Ekeng

Ekeng alizaliwa March 26 1990 na amefariki akiwa na umri wa miaka 26 baada ya kuanguka uwanjani, Ekeng ndio alikuwa kaanza kupata nafasi katika kikosi cha timu ya taifa ya Cameroon ya wakubwa, muda mchache baada ya taarifa za kifo chake kuthibitika, mastaa wa soka walianza kupost na kuonesha huzuni kwa taarifa hizo.

Video ya tukio la kuanguka kwake na kupoteza maisha

Soma Zaidi →

Yanga Ubingwa Huooooo...Yapiga Mtu 3

Yanga imezidi kuusogelea ubingwa wa Ligi Kuu ya Vodacom Tanzania Bara kuafutia ushindi wa mabao 3-1 dhidi ya Stand United jioni ya leo Uwanja wa Kambarage, Shinyanga.

Ushindi huo ulitokana na mabao mawili ya washambuliaji wa kimataifa wa Zimbabwe, Donald Ngoma na Amissi Tambwe wa Burundi, unaifanya Yanga ifikishe pointi 68 baada ya kucheza mechi 27.

Yanga sasa inaweza kutangaza ubingwa ndani ya mechi mbili zijazo kati ya tatu za mwisho, iwapo itaendeleza wimbi la ushindi. 

Katika mchezo wa leo, hadi mapumziko, Yanga tayari walikuwa mbele kwa mabao 2-0, yote yakifungwa na mshambuliaji wa kimataifa wa Zimbabwe, Donald Ngoma.

Ngoma alifunga bao la kwanza dakika ya pili kwa shuti kali, baada ya kuupitia mpira kwenye himaya ya mabeki wa Stand, Nassor Masoud ‘Chollo’ na Assouman David. 

Ngoma tena akawainua vitini mashabiki wa Yanga dakika ya 45 kwa bao zuri akimlamba chenga kipa wa Stand United, Frank Muwonge baaada ya kutanguliziwa pasi nzuri na Mrundi, Amissi Tambwe.

Kipindi cha pili, Yanga ilikianza vizuri tena na kufanikuwa kupata bao la tatu lililofungwa na Tambwe dakika ya 63 akimalizia kona ya winga Simon Msuva. 

Elias Maguri akaifungia bao la kufutia machozi Stand United dakika ya 82 baada ya kiungo wa Yanga Mzimbabwe, Thabani Kamusoko kumchezea rafu kiungo wa Stand, Suleiman Kassim ‘Selembe.’ 

Yanga waliendelea kulisakama lango la Stand, lakini bahati yao leo ilikuwa ni 3-1.

Soma Zaidi →

Guardiola: Msimfananishe Niguez na Messi

Kocha wa timu ya Bayern Munich, Pep Guardiola ameonya watu walioanza kumlinganisha Saul Niguez na Messi.

Saul jana usiku aliifungia Atletico Madrid goli pekee ambalo liliifanya timu hiyo kuibuka na ushindi wa bao 1-0 dhidi ya Bayern waliokuwa ugenini kwenye uwanja wa Vicente Calderon.

Baada ya mechi hiyo Guardiola alisema, 

 

“Binafsi simjui vizuri, lakini naheshimu ubora alio nao Saul. Lakini itakuwa vema kwake kutomlinganisha na Messi. Alichofanya Saul kinaweza kutokea.”

Guardiola alisema timu yake ilihitaji walau goli hata moja lakini bado wananafasi nyingine ya kutetea nafasi yao ya kucheza fainali ya Uefa kwenye mchezo wa marudiano utakao fanyika wiki ijayo kwenye uwanja wa Allianz Arena.

Soma Zaidi →

TFF imemfungia Mchezaji Nyoso Kwa Miaka Miwili Kucheza Mpira wa Miguu Baada ya Kumshika Mchezaji Mwenzie Makalio

Kamati ya masaa 72 ya uendeshaji wa Ligi Kuu iliyokutana leo kupitia ripoti mbalimbali za michezo iliyochezwa ya Ligi Kuu na Ligi Daraja la Kwanza nchini imemfungia mchezji Juma Nyoso wa timu ya Mbeya City kucheza mpira wa miguu kwa kipindi cha miaka miwili na faini ya shilingi milioni mbili (2,000,000) kufutia kitendo cha udhalilishaji alichomfanyia mchezaji wa Azam FC John Bocco.

Nyoso alifanya kitendo hicho katika mchezo no namba 32 wa VPL kati ya Azam FC na Mbeya City uliofanyika kwenye uwanja wa Chamazi, Dar es Salaam, kutokana na kuwa tabia ya kufanya vitendo hivyo vya utovu wa nidhamu mara kwa mara kwenye michezo ya Ligi Kuu.

Soma Zaidi →

ANGALIA HAPA VIDEO YA VURUGU ZILIZOTOKEA JANA UWANJA WA TAIFA...VITI ZAIDI YA 50 VYAVUNJWA..!!

October 31 2013 kulikua na mechi ya Simba vs Kagera Sugar kwenye uwanja wa taifa ambapo timu hizo zilitoka 1-1 huku goli lililoleta malalamiko likiwa ni la Kagera Sugar ambalo lilifungwa kwa njia ya penat.
Kocha wa Kagera Sugar amesifia maamuzi ya refa na kusema ‘nafurahi timu imesawazisha kwenye dakika za mwisho na refa amefanya kazi yake kwa sababu ni siku nyingi sana marefa hawagawi penat kama hizo, timu nzuri inacheza mpaka goli’

Kocha Kibaden wa Simba kasema ‘nashukuru tumemaliza mpira salama na vijana wametoka salama, sijafurahishwa na jinsi mpira ulivyochezeshwa, sitaki kusema hayo kwa sababu watu wana macho na wanaweza kukosoa lakini uamuzi haukuwa sawasawa, kama tutaendelea na mpira wa aina hii nafikiri tutaondoka kwenye mwelekeo… 
naomba TFF mpya iliyokuja ijaribu kutazama watu wapumbavu wa aina hii wanaokuja pale kuwaudhi watu, sijafurahishwa na mpira ulivyochezeshwa mwanzo hadi mwisho na nilijua kitatokea nini’

Soma Zaidi →

LEO PATAKUWA HAPATOSHI UWANJA WA TAIFA JIJINI DAR!! NANI ATAMPAKATA MWENZAKE?....

Watani wa jadi nchini Simba na Yanga leo jioni wanashuka katika uwanja wa Taifa jijini Dar es Salaam kupambana katika mchezo wa ligi kuu ya Vodacom Tanzania Bara, huku Simba ikiwa na rekodi nzuri ya kuifunga Yanga mabao 5.

Kila upande umekuwa ukitamba kuibuka na ushindi leo.

=====YETU  MACHO=======

Soma Zaidi →

PICHA: SALAMA JABIR AWATUSI MASHABIKI KWA ISHARA YA KIDOLE....

** *Mtangazaji wa Kipindi cha Mkasi kinachorushwa hewani kupitia kituo cha EATV Salama Jabir, wa pili kutoka kushoto akidauiwa kutukana kwa kutumia ishara ya kidole wakati walipokuwa kwenye moja ya haraka za kurekodi matukio ya kipindi cha EPIQ BSS 2013, kinachorushwa hewani kupitia kituo cha TBC1, Salama alifanya kituko hicho akiwa mezani na Msanii wa Muziki wa Kizazi Kipya Bongo Profesa Jay wa kwanza kutoka kushoto,mratibu wa Shindano la Bongo Star Search Madame Lita katikati na Master Jay.*

Soma Zaidi →

"TUNAMSHAURI NGASSA AANDAE KABISA GARI LA ZIMA MOTO,TUSIJEMTIA HASARA BURE" SIMBA

KLABU ya Simba imemtaka kiungo mshambuliaji wa Yanga, Mrisho Ngassa, aandae kabisa gari la kuzima moto kwenye nyumba zake kwa kuwa ina uhakika mchezaji huyo hataweza kutimiza ahadi yake ya kufunga au kutoa pasi ya bao.
Simba na Yanga zinakutana keshokutwa kwenye Uwanja wa Taifa jijini Dar na Ngassa ameahidi asipofunga au kutoa pasi itakayozaa bao, basi atazichoma moto nyumba zake tano.
Akizungumza na Championi Ijumaa, Ofisa Habari wa Simba, Ezekiel Kamwaga alisema hawana hofu na Ngassa na kwamba hana hata historia ya kuifunga Simba, hivyo cha msingi aandae zima moto haraka ili kuepuka hasara mapema.

“Siwezi kusema hatatufunga kwa kuwa ni majaaliwa ya kila mtu jinsi Mungu alivyompangia lakini sisi hatuna hofu naye, atambue kuwa hajawahi au hana historia ya kuifunga Simba, ila tunamshauri aandae zima moto mapema, tusijemtia hasara bure,” alisema Kamwaga.

Soma Zaidi →

MRISHO NGASSA AHADIWA MAMILIONI ENDAPO ATAFUNGA GOLI KWENYE MECHI DHIDI YA SIMBA...!!

WAKATI homa ya pambano la watani wa jadi ikizidi kupanda, Championi limebaini siri nzito kwenye kambi ya Yanga, kwamba mshambuliaji wa timu hiyo, Mrisho Ngassa (pichani) ataondoka na mamilioni kama akifanikiwa kufunga bao katika mchezo huo.
Akiwa kambini kisiwani Pemba, Zanzibar, ambako Yanga inajiandaa na mchezo dhidi ya Simba utakaopigwa Jumapili hii kwenye Uwanja wa Taifa, Dar es Salaam, Ngassa ameambiwa na tajiri mmoja mdau wa Jangwani kuwa, atapewa Sh milioni moja akitupia bao siku hiyo na kama akiongeza itakuwa mara mbili.
Tayari Ngassa ana ofa ya makamu mwenyekiti wa zamani wa timu hiyo, Davies Mosha, ambaye amekuwa akimpa shilingi milioni moja kwa kila bao analofunga na shilingi laki tano kwa pasi ya bao.
Jana, mshambuliaji huyo alikutana na bahati nyingine, baada ya mfanyabiashara na Mjumbe wa Kamati ya Utendaji ya Yanga, Moses Katabalo, kumwambia kuwa kama akifanikiwa kufunga bao kwenye mchezo dhidi ya Simba, atampa milioni moja na akitoa pasi ya bao atapata laki tano.
Hii inamaana kuwa, kama Ngassa atafunga bao kwenye mchezo huo basi atajinyakulia kitita cha shilingi milioni mbili, moja kutoka kwa Mosha na moja kutoka kwa Katabalo, lakini akitoa pasi ya bao atajipatia milioni moja. Fedha hizo zinaweza kuongezeka kutokana na idadi ya mabao atakayofunga.
“Nimeongezewa ofa nyingine, lakini hii inahusu mchezo wa Simba na Yanga tu, Katabalo kaniambia nikifunga bao atanipa milioni moja, nikitoa pasi ya bao atanipa laki tano.
“Mechi itakuwa ngumu, lakini nitajitahidi kadiri ya uwezo wangu kuonyesha kiwango cha juu,” alisema Ngassa ambaye ana mabao mawili kwenye ligi na pasi moja ya bao.

Soma Zaidi →

"NISIPOFUNGA AU KUTOA PASI AMBAYO ITAPELEKEA SIMBA WAFUNGWE NITACHOMA NYUMBA ZANGU TANO NINAZOZIMILIKI"....MRISHO NGASSA

Saleh "Jembe mshambuliaji nyota wa Yanga, Mrisho Ngassa akisema kuwa hasira zake ni kama atashindwa kufunga au angalau kutoa pasi itakayozaa bao litakaloimaliza Simba: “Niko vizuri na ninajiona niko tayari kwa mchezaji, nataka kufanya kazi nzuri na ninajua Simba nitawafunga.  Kama nitashindwa kufunga basi nitatoa angalau pasi ya bao litakalosababisha Simba wafungwe. La sivyo nitachoma nyumba zangu tano ninazomiliki,” alisema Ngassa kwa kujiamini.

Yanga na Simba zinakutana Jumapili katika mechi ya Ligi Kuu Bara kwenye Uwanja wa Taifa jijini Dar es Salaam.

Soma Zaidi →

MASHABIKI WALIVYOPONDA UWEPO WA ALLY ZAHIR ZORRO KUWA KAMA JUDGE WA TUSKER PROJECT FAME....

Mashabiki wengi wa shindano la 'Tusker Project Fame' linalofanyika nchini Kenya kila mwaka wameonekana kutofurahishwa na ujio wa jaji mpya wa shindano hilo anayefahamika kwa jina la 'Ally Zahir Zorro' ambaye ni Muimbaji mkongwe wa muziki nchini Tanzania aliyeungana na majaji wengine 'Ian Mbugua' wa Kenya na muimbaji 'Juliana Kanyomozi' wa Uganda kama majaji wa 'Tusker Project Fame' msimu huu wa 6.

Uwepo wa 'Ally Zahir Zorro' kwenye mshindano hilo la kuibua viapaji limekuja baada ya Mwanamuziki huyo mkongwe amechukua nafasi ya aliyekuwa jaji kwa misimu iliyopita anayefahamika kwa jina la 'Hermes Lyimo', ambapo hata hivyo uwepo wa mkongwe huyo wa muziki wa Tanzania haukuwavutia mashabiki wa shindano hilo kutokana na maneno waliyokuwa wakiyatoa kwenye mitandao ya kijamnii. Chini ni baadhi ya maneno ya mashabiki hao:

"@aimabadi: @IanMbugua Do you have any plans of bringing back judge Hermes on #TPF6" Sadly not up to me" can we placard? I hate new judge.
— Rayhab Gachango (@potentash) October 6, 2013

"@marcusolang: Zorro from Tanzania. Or, as my fiancée calls him: "5 Chainz." #tpf6" he should do a sengenge ad.
— Njeri Ngige (@SunnyLikeNjeri) October 6, 2013

@IanMbugua #TPF6 Julianna & Ian where so isolating Zorro, d expression on Julianas face whenever zorro opened his mouth was evident
— Daphny (@wegnerdk) October 6, 2013

#JudgeZorro mst be the lost twin bro, to Franco!..na wao/; #tpf6
— Chiquitta Sue (@SuzzyMadds) October 6, 2013

I know Tanzanians are world re-known for their lows but #JudgeZorro has given 'low' a new definition…#TPF6
— The Makodingo® (@makodingo) October 6, 2013

#JudgeIan must be having a field day with #judgeZorro since all he is saying is good job..#TPF6 hahahaahaa….#funny
— 18th Oct JulianaLive (@geobilljuice) October 6, 2013

watching #TPF6 and wondering where TF is judge Hermes i wonder who chose this man Zorro… mayoooooo!!
— Martha M.M (@Dswitchilli) October 6, 2013

#JudgeZorro salute right back atcha……kizungu ndo hard nini??
— Taiy Cheruiyot (@jacquelyn_Cc) October 6, 2013

Two words #JudgeZorro #Tpf6 #dead
— Vania Maria (@VaniaLattechoco) October 6, 2013

Soma Zaidi →

HIVI NDIVYO WANAJANGWANI WALIVYOMLAKI KIPENZI CHAO MRISHO NGASSA..!

Ngassa amezungumza kwa mara ya kwanza na kuthibitisha kwamba kweli amesaini Yanga.

“Ni kweli nimesaini Yanga, nisingeweza kuzungumzia suala hilo wakati nina mkataba ambao ulikuwa haujamalizika.

“Lakini baada ya mechi ya mwisho ya ligi, sasa niko huru kuanza kuutumikia mkataba wangu mpya,” alisema.

Mashabiki wa Yanga walimchukua Ngassa na kumvisha jezi ya njano na kijani, mara tu baada ya kumalizika kwa mechi kati ya Yanga na Simba kwenye Uwanja wa Taifa, jana.

Mashabiki hao walimvisha jezi hiyo na kumbeba na kumbeba na kuondoka naye hadi nje ya uwanja.

Azam FC ilimpeleka Simba kwa mkopo, lakini Simba imekuwa ikisema ilimuongezea mkataba wa mwaka mmoja na kumlipa Sh milioni 30 pamoja na gari.

Kama unahitaji picha ambazo alikuwa akisani mkataba huo mpya wa Yanga ingia hapa www.facebook.com/edwintanzania

Soma Zaidi →

YANGA SC YATANGAZA RASMI USAJILI WA MRISHO NGASSA...!!

Katibu Mkuu wa klabu ya Young Africans Lawrence Lawrence Mwalusako leo amemtambulisha rasmi kwa waandishi wa habari mchezaji Mrisho Ngasa ambaye amerejea

katika klabu yake ya zamani kufuatia kumalizika kwa mkataba wake wa miaka miatatu (3) dhidi ya timu ya Azam FC.

Akiongea na waandishi wa habari makao makuu ya klabu Mwalusako amesema Ngasa amerejea katika timu yake, alikuwa mchezaji wetu kwa muda mrefu kabla ya kuhamia katika timu ya Azam FC ambako alitumikia mkataba wa miaka 3 uliomalizika mwisho mwa msimu huu.

Naye mwenyekiti wa mashindano wa klabu ya Yanga Abdallah Bin Kleb  amesema anashukuru kwa Ngasa kuamua kurudi nyumbani, kwani amekuwa mchezaji anayejitolea kwa moyo wake wote katika timu zake zote alizokuwa akichezea hali iliyompelekea kuendelea kuwa katika kiwango cha hali ya juu.

Kwa kweli mimi binafsi nimefurahi kijana kurejea nyumbani, amerejea katika timu inayomjali, inamsikiliza alisema Bin Kleb huku akimalizia kwa kusema kuwa Ngasa ataitumikia Yanga kwa mkataba wa miaka 2.

 

 

Aidha Ngasa mwenyewe amewashakuru wapenzi, washabiki na wanachama wa klabu ya Yanga kuwa naye kwa nyakati zote, nilipohamia Azam walikua wakishangilia, nilipohamia Simba pia walikuwa wakinipa moyo na kunishangilia pia.

Nimeamua kurudi katika timu yanga ya zamani sababu ndio sehemu pekee wanaponisikiliza na kunithamini, timu niliyotoka pamoja na kucheza kwa moyo wangu wote bado viongozi wake hawakua na imani na mimi hicho ndo kilichonipelekea kurudi katika timu yangu ya Yanga.

Ngsa anakua mchezaji wa kwanza kusajiliwa na klabu ya Yanga kwa ajili ya kuongeza nguvu katika kikosi kitachoitumikia Yanga katika msimu ujao.

DAIMA MBELE NYUMA MWIKO  (DMNM)

EVER FORWARD BACKWARD NEVER (EFBN)

Mrisho Ngasa akikabidhiwa jezi ya klabu ya Yanga na katibu mkuu Lawrence Mwalusako

Soma Zaidi →

KUELEKEA MPAMBANO WA JADI KATI YA SIMBA NA YANGA, MRISHO NGASSA AIPIGILIA SIMBA MSUMARI WA MOTO KWA KUSAINI YANGA MIWILI...!!

.

KIUNGO mwenye kasi, Mrisho Khalfan Ngassa, amerejea Yanga na kusaini mkataba wa miaka miwili kuichezea tena timu hiyo.
Ngassa alianza kupata umaarufu mkubwa akiwa na Yanga kabla ya kuondoka na kujiunga na Azam FC kwa kitita cha jumla ya Sh milioni 98 na kuweka rekodi mpya ya usajili. Lakini Ngassa ameamua kusaini tena mkataba wake mpya Yanga wakati akiwa chini ya klabu ya Simba ambao ni watani wakubwa wa Yanga.
Simba na Yanga zinakutana Jumamosi kwenye Uwanja wa Taifa, Dar es Salaam katika mchezo wa mwisho kufunga msimu, huku Yanga wakiwa wamepania kulipa kisasi cha mabao 5-0.
Mechi hiyo ndiyo itakuwa ya mwisho kwa Ngassa ambaye mkataba wake umesainiwa bila kuwa na tarehe, Championi Jumatano limeshuhudia na lina uhakika asilimia mia.
“Mkataba na Ngassa kila kitu kimekamilika kama unavyoona, hapa tunachosubiri ni kuisha kwa msimu na mara moja atatua na kuanza kazi Jangwani,” alisema mmoja wa viongozi ambao huhusika na masuala ya usajili Yanga.
Alipoulizwa kwa nini mkataba huo ambao una saini ya Ngassa na dole gumba lake hauna tarehe, alijibu:
“Bado hatujajua utaratibu wa TFF kama mkataba ukisainiwa kabla ya mwingine kuisha inakuwaje. Hatutaki kuingia kwenye matatizo na mtu.
“Kitu kizuri Ngassa baada ya mkataba wake na Azam FC kuisha, sasa ameamua kurudi nyumbani, nasi tumemkaribisha vizuri.”
Ingawa mhusika alifanya juhudi za kuficha eneo la malipo ya Ngassa lakini taarifa za uhakika zinaonyesha atakuwa analipwa dola 2000 (Sh milioni 3.2) kwa mwezi.
Kwa mshahara, Ngassa atakuwa mchezaji anayelipwa zaidi ya wachezaji wote Ligi Kuu Bara. Labda kama kuna timu kati ya Yanga, Simba au Azam FC itasajili mwingine na kumpa zaidi ya hizo.
Kwa misimu miwili Felix Sunzu amekuwa akiongoza. Analipwa dola 3,500 (Sh milioni 5.6), Mzambia huyo amemaliza mkataba na Simba, ataondoka. Wakati Ngassa akiwa Azam na Simba alikuwa anachukua Sh milioni 2 kwa mwezi.
Kuhusiana na fedha za usajili, kwa kuwa Ngassa ametua Yanga kama mchezaji huru, tayari ameshatanguliziwa ‘kishika uchumba’ cha Sh milioni 10 pamoja na gari aina ya Nissan Trail ambalo thamani yake inafikia hadi Sh milioni 23.
Ngassa amekuwa akilitumia gari hilo alilopewa na Yanga baada ya kuuza alilopewa na Simba aina ya Toyota Verrosa lenye thamani ya Sh milioni 16 kwa hofu ya kupokonywa na Simba siku atakaposema anakwenda Yanga.
Kuna taarifa kuwa Ngassa alisaini mkataba mwingine na Simba ambao angeanza kuutumikia baada ya mechi hiyo ya Jumamosi.
Simba kupitia kwa Mwenyekiti wa Kamati ya Usajili, Zacharia Hans Pope, imetangaza kwamba Ngassa alisaini mkataba mwingine wa mwaka mmoja, akapewa gari na fedha Sh milioni 30 na kama anataka kwenda kokote, basi atalazimika kurudisha fedha hizo.
Lakini Ngassa amekuwa akisisitiza hana mkataba na Simba na baada ya huo wa Azam FC iliyompeleka Simba kwa mkopo utakapomalizika, atakuwa huru kwenda anakotaka.
Ngassa ambaye yuko kambini na Simba mjini Zanzibar, amewahi kuliambia Championi kwamba kama Simba inamtaka abaki, basi lazima itoe kitita cha Sh milioni 150.

Soma Zaidi →

SIMBA WATISHIA KUGOMEA MECHI NA YANGA BAADA YA REFA KUBADILISHWA GHAFLA...!!

UONGOZI wa Simba SC umesema hauna imani na mabadiliko ya refa yaliyofanywa kuelekea mpambano wao na Yanga SC Jumamosi na kwa sababu hiyo unakutana katika kikao cha dharula haraka iwezekanavyo kujadili suala hilo, ikibidi kususia mchezo huo.

Akizungumza na BIN ZUBEIRY jioni hii, Mwenyekiti wa Kamati ya Usajili ya Simba inayosimamia ushiriki wa timu katika mashindano pia, Zacharia Hans Poppe amesema kwamba uongozi utakutana haraka kujadili mabadiliko hayo.

Kapteni huyo wa zamani wa Jeshi la Wananchi Tanzania (JWTZ), amesema taarifa rasmi waliyokuwa nayo awali refa aliyepangwa kuchezesha mechi hiyo ni Israel Nkongo, lakini ajabu Shirikisho la Soka Tanzania (TFF) leo limemtaja refa tofauti, Martin Saanya.

“Haiwezekani mabadiliko yafanyike ghafla, lazima kutakuwa kuna namna hapa. Tunakutana mara moja kujadili na kuchukua hatua, ikiwezekana tunaweza kugomea hiyo mechi, iwapo tutagundua kuna mchezo mchafu umeandaliwa dhidi yetu,”alisema Hans Poppe.

Saanya kutoka Morogoro ndiye ameteuliwa kuchezesha pambano la watani wa jadi, Simba na Yanga SC la kufunga pazia la Ligi Kuu ya Vodacom Tanzania Bara Jumamosi kwenye Uwanja wa Taifa, Dar es Salaam.

Katika mchezo huo, unaosubiriwa kwa hamu na wapenzi wa soka nchini ili kujionea nani zaidi baina ya miamba hiyo, Saanya atasaidiwa na Samuel Mpenzu wa Arusha na Jesse Erasmo kutoka Morogoro, wakati refa akiba atakuwa ni Hashim Abdallah wa Dar es Salaam.

Kamisaa wa mechi hiyo atakuwa Emmanuel Kavenga kutoka Mbeya wakati mtathmini wa waamuzi atakuwa ni Leslie Liunda wa Dar es Salaam.

Mashabiki watakaotaka kwenda kushuhudia mpambano huo wa mahasimu wa jadi katika soka ya Tanzania, watalazimika kulipa Sh. 5,000, hicho kikiwa kiingilio cha chini zaidi katika sehemu ya viti vya Rangi ya Bluu.

Aidha, katika mchezo huo utakaoanza saa 10:00 jioni, viingilio vingine ‘nafuu kidogo’ vitakuwa ni Sh 7,000 kwa viti ya Rangi ya Kijani na Sh. 10,000 kwa viti vya Rangi ya Chungwa.

Upande wa ‘wakubwa’, viingilio vitakuwa ni Sh. 15,000 kwa VIP C, Sh. 20,000 kwa VIP B na Sh. 30,000 kwa VIP A.

Ofisa Haabri wa Shirikisho la Soka Tanzania (TFF), Boniface Wambura amesema kwamba viingilio hivyo ni sawa na viingilio vya mchezo wa mzunguko wa kwanza wa ligi hiyo baina ya miamba hao, Oktoba 3, mwaka jana.

Wambura alisema tiketi zitaanza kuuzwa siku moja kabla ya mchezo, yaani Ijumaa wiki hii katika vituo mbalimbali vitakavyotajwa.

Tayari miamba hiyo ya soka nchini iko mafichoni kwa maandalizi ya mpambano huo.

Yanga wameweka kambi yao kisiwani Pemba katika hoteli ya Samail mkabala na benki ya PBZ, wakifanya mazoezi Uwanja wa Gombani wakati Simba wameweka kambi maeneo ya Mbweni, Zanzibar wakifanya mazoezi kwenye Uwanja wa Mao Dze Tung.

Wakati Yanga walitua Pemba Ijumaa jioni, mahasimu wao wa jadi, Simba SC waliwasili Zanzibar Jumapili jioni na mara moja kuanza kujifua kwa ajili mchezo huo, unaosubiriwa kwa hamu.

Soma Zaidi →

BAADA YA ALEX FERGUSON KUTANGAZA KUSTAAFU, WAYNE ROONEY NAE AOMBA KUIHAMA TIMU HIYO...!!

Sir Alex Ferguson amewahakikishia mashabiki wa Man U kwamba Wayne Rooney anatoka kuondoka Man U.
Rooney (miaka 27) aliachwa nje kwenye mechi iliyofanyika jana kati ya Man Utd vs Swansea (2-1) katika uwanja wa Old Trafford.
“I don’t think Wayne was keen to play, simply because he has asked for a transfer,.
I think he wants to think it through in his mind – I think that’s a good idea. We’re not going to let him go.
I think maybe he is a bit frustrated. He has been taken off once or twice in the past couple of weeks.” Ferguson told Sky Sports 1
Paris Saint-Germain na Chelsea ndizo timu zenye nia ya kumsajili mshambuliaji Wayne Rooney.

Soma Zaidi →

MCHEZAJI WA AZAM AZUIWA KUCHEZA SOKA MAISHA...!!

HUJAFA Hujaumbika, kiungo wa Azam FC, Ibrahim Bakari ‘Jeba’, hataweza kucheza soka tena baada ya kuzuiwa na madaktari.
Madaktari mahiri wa nchini India wamechukua uamuzi huo baada ya kumfanyia vipimo na kugundua kuwa ana tatizo kwenye ini.
Jeba ambaye mashabiki wa soka nchini humfananisha na kiungo wa Simba, Haruna Moshi ‘Boban’, wakati fulani alitaka kusajiliwa Simba lakini wakashindwa kuelewana na Azam FC ambao walikanusha taarifa za usajili huo na kusema bado wana mkataba naye wa miaka miwili.
Jeba ambaye hajafikisha miaka 25, hatacheza soka tena kama ilivyokuwa kwa kiungo Fabrice Muamba wa Bolton ambaye alianguka uwanjani na mwisho madaktari wakapitisha uamuzi astaafu mpira.
Mmoja wa mabosi wa Azam ameliambia Championi Ijumaa kuwa, kiungo huyo aligundulika na matatizo ya ini baada ya klabu hiyo kumpeleka nchini India miezi mitatu iliyopita alipokuwa akikabiliwa na matatizo ya goti.
“Baada ya kugundulika na ugonjwa wa Hepatitis B ambao ulishambulia ini lake, ikashindikana hata kumfanyia upasuaji wa goti lake tena. Akapewa dawa na kurudi nchini na alipomaliza hizo dawa alikwenda tena kufanya uchunguzi hapa Tanzania katika Hospitali ya Aga Khan, akajibiwa kweli anaugua ugonjwa huo, hawezi kucheza soka tena na sasa yupo kwao Zanzibar,” alisema bosi huyo.
Alipoulizwa juu ya mchezaji huyo, Kocha wa Azam, Stewart Hall alikiri kuwa Jeba ni mgonjwa lakini hakutaka kufafanua kiundani akidai watafutwe viongozi wa klabu.
Ugonjwa wa Hepatitis B unasambazwa na virusi vinavyofahamika kwa jina la Hepatitis B Virus (HBV).
Akizungumzia suala hilo, daktari wa timu hiyo ambaye ni mkongwe katika masuala ya michezo, Mwanandi Mwankemwa alikiri kuumwa kwa kiungo huyo.
“Anahitajika kupumzika kwa muda mrefu lakini pia anatakiwa asifanye mazoezi magumu kitu ambacho katika soka ni kigumu, sasa anatumia dawa lakini kuhusu hilo la kuweza kucheza tena soka sidhani kama litakuwa rahisi kulingana na madhara ya ugonjwa wenyewe,” alisema Mwankemwa.

Soma Zaidi →

NGASSA AINYIMA USINGIZI SIMBA, ADAI HANA MKATABA NAO TENA....!!

UONGOZI wa Klabu ya Simba umetamka na kusisitiza kuwa kiungo wao, Mrisho Ngassa, amebakisha mkataba wa mwaka mmoja zaidi klabuni hapo, lakini mchezaji huyo amesema hana mkataba.

Simba imetoa tamko hilo baada ya kiungo huyo kutangaza dau la shilingi milioni 150 kwa timu itakayomhitaji ikiwemo Simba kutokana na mkataba wake kumalizika mwishoni mwa mwezi huu.
Mwenyekiti wa Kamati ya Usajili, Zakari Hans Pope amesema Ngassa bado ana mkataba wa mwaka mmoja wa kuichezea timu hiyo na kudai kushangazwa na taarifa anazozitoa kiungo huyo kuwa mkataba wake unamalizika mwishoni mwa msimu huu, kitu ambacho siyo sahihi.
Aliongeza kuwa kama Ngassa anataka fedha nyingine za kumuongezea ni vema akauambia uongozi na siyo kuzungumza kwenye vyombo vya habari.
“Ngassa ni mchezaji halali wa Simba mwenye mkataba wa mwaka mmoja wa kuichezea timu yetu, kama unakumbuka tulimchukua Azam kwa mkopo kisha tukamuongezea mkataba mwingine wa mwaka mmoja,” alisema Hans Pope.
Wakati Hans Pope akitamka hayo, Ngassa amekuwa akisisitiza mara kwa mara kuwa hakusaini mkataba wa ziada klabuni hapo na kudai kuwa atakuwa huru mara baada ya msimu huu kumalizika.

Soma Zaidi →

FIFA YAWARUDISHA MALINZI NA WAMBURA KUGOMBEA TFF

Kuna taarifa kwamba wagombea wawili, Jamal Malinzi na Michael Wambura wamerudishwa kuwania nafasi walizokuwa wakipigania kuzipata katika uchaguzi mkuu wa Shirikisho la Soka Tanzania (TFF).

Taarifa kutoka ndani ya TFF zimeeleza, Shirikisho la Soka la Kimataifa (Fifa) limeandika barua ambayo imeshatua Fifa tayari kuwarejesha Malinzi, Wambura na wengine waliokuwa wanagombea.

Uongozi wa TFF unatarajia kuzungumza muda mfupi ujao kuanzia sasa katika ofisi zake katika eneo la Ilala jijini Dar es Salaam.

Tayari Salehjembe ametega masikio kuhusiana na kitakachotokea na atatutaarifu kama ni hiki kutoka ndani au kutakuwa na mabadiliko.

Soma Zaidi →