Wema Sepetu Afunguka Haya Kuhusu Alikiba

Msanii wa filamu nchini Wema Sepetu amefunguka na kusema kuwa msanii Alikiba ni mtu wa kumuacha kutokana na uwezo wake wa kuimba na namna ambavyo anaweza kuipangilia sauti yake kwenye muziki.

Wema Sepetu amezidi kuonyesha mapenzi aliyonayo kwenye kazi za msanii Alikiba na kusema huwa zinamkosha sana na kudai hajawahi kumuangusha siku zote.

“Ila huyu bichwa wangu mimi ananikoshaga sana. Na mumuachage tu kwakweli. Bichwa una sifa lakini maana si kwa Vocal hizi. Halafu mimi siwezi kukubania namba bana. Naupenda sana huu wimbo jamani. Wajua kutukunaga mashabiki wako. Good work Bichwa wangu Officialalikiba did it again ladiez & Gentlemen” aliandika Wema Sepetu

Mbali na hilo Wema Sepetu amempa pongezi msanii Alikiba kwa kuweza kusaini mkataba chini ya kampuni ya muziki ya ‘Sony Music’ na kusema kuwa alistahili hilo na zaidi ya hilo kwani anakipaji kikubwa.

”God Grants accordingly… Congrats Bichwa wangu for that Big Contract… You deserve it & more… Time Heals all wounds… The Sky remains to be the only Limit for u baba…”

Soma Zaidi →

Idris Sultan Amwandikia Wema Sepetu Ujumbe Mzito

Uhusiano wao umepitia misukosuko mingi ikiwemo kuachana mara kadhaa lakini Idris Sultan na Wema Sepetu hawajalikatia tamaa pendo lao.

Ni muda mrefu tangu Idris aandike kitu kwenye mitandao ya kijamii kuhusu penzi lake na Wema baada ya kudai wameamua kuuweka uhusiano wao private kwa sasa. Lakini sasa mshindi huyo wa Big Brother Africa ameshare ujumbe mahsusi kwa mpenzi wake huyo.

“I am proud to say the mistakes we have made have not only made us stronger but better, faster, wiser, love too strong, stronger than any of us,” Idris ameandika kwenye picha ya Wema aliyoiweka Instagram.

“We ni kasumbufuuu, unasusasusa, wivu ndo usiseme, kugombana hadi kulia but in the end of the day i will open my arms na utajileta mwenyewe utaniangalia usoni and tell me “I hate you” and lay on my chest. I will smile and say “I love you too”. We have gone through heaven and hell and now you’re my bestfriend, family, wifey, lover you’re my cherry . #WolfQueen.”

Hivi karibuni wawili hao waliingia kwenye matatizo makubwa baada ya video inayomuonesha Wema akimbusu mwanaume mwingine kusambaa mtandaoni. Idris alikiri kuumizwa na jambo hilo.

Soma Zaidi →

Mpambano Nani Mwenye Makalio Makubwa… Wema Amjibu Zari

Wema Sepetu na jamaa yake anayedaiwa kuwa ni msanii.

Miezi kadhaa iliyopita liliibuka gumzo kubwa mtandaoni kati ya Timu Wema na Timu Zari kuhusu nani kati ya Wema Sepetu na Zarinah Hassan ‘Zari’ ana wowowo kubwa.

Katika mjadala huo kila upande ulikuwa ukivutia kwake huku mara nyingi Timu Zari wakitumia ile picha aliyopiga Zari na Diamond (Zari kavaa gauni jekundu na Diamond kavaa suti nyeusi) ambapo Timu Wema wao walikuwa wakirusha tu vijembe kuwa, Wema wao hajaladii ila Zari kajaladia kwenye picha hiyo.

 Zari na Diamond

 

Aidha, katika siku za hivi karibuni, Wema aliamua kumjibu Zari kwa kupiga picha iliyo kwenye pozi kama lile la Zari na Diamond huku Wema na jamaa yake huyo aliyedaiwa kuwa ni msanii wakiwa wamevaa nguo kama zile walizovaa Zari na Diamond.

Kuanzia hapo ikawa mpambano ni kati ya picha hizo mbili ambazo wadau mbalimbali wamekuwa wakizitupia kwa pamoja.

Hata hivyo, mpaka sasa hakuna upande unaoonekana kuibuka na ushindi hivyo swali la kwamba ni nani kati ya wawili hao ana kalio kubwa jibu halijapatikana.

Soma Zaidi →

DIAMOND AJIZULIA BALAA INSTAGRAM KUTOKA KWA FANS WA WEMA BAADA YA KUTANGAZA KUTOMUOA KIPENZI CHAO...

.

Mwanamuziki Diamond Platnumz aka Rais wa Wasafi anaetamba kwa wimbo wake No. 1 haishi drama na warembo wa mujini. Baada ya hivi  karibui kuonekana na Wema na kuwapa fans wake na wa Wema matumaini kwamba wamerudiana ghafla ameibuka kupitia Global Publishers na kusema “Najua wengi wanahisi mimi ninaweza kuoa mwanamke zaidi ya mmoja kutokana na dini yangu kuruhusu lakini jambo hilo mimi silifikirii hata kidogo kwa kuwa kwenye maisha yangu nilishapanga nitaoa mke mmoja tu,” alisema Diamond na kuendelea kusema “Watu wanasema mengi juu yangu na Wema, wengi wao hawajui nafsi yangu inataka mwanamke yupi, ninachoweza kusema na watu wakasikia na kunielewa basi wajue kwamba Penny ndiye mke wangu, Wema asitegemee kuolewa na mimi.” Maneno hayo yamewakera fans wa Wema aka #teamwema kupita kiasi wakiwemo [dougiemasta12, matikibokoyao na wengine wengi] ambao wametiririkia kupitia Instagram na kuonyesha hasira zao kwa kile wanacho dai kwamba Diamond hana adabu na anadhalilisha wanawake especially Wema wao. Yaani hii #teamweam wako tayari na standby kumtetea Wema wao katika hali yeyote ile. Na ni kwamba wamejitolea muhanga kumsupport Wema 100%. Haya ndo mambo yanayoendelea huko Instagram hebu jisomeeee mwenyewe....

 Yaani comment ni nyingi sana unaweza ingia instagram ukajisomea. Wadau wana hasira sana na Rais wa wasafi ama kweli  hawa ni 100% ride or die loyal fans wa Wema. 

Majangaaaaaaaaaaaa!!

Soma Zaidi →

"SIO BONGO MOVIE NZIMA,BAADHI TU YA WATU AMBAO WANAUELEWA NA UPEO MDOGO AMBAO WALIAMUA KUTOKUJA KWENYE MSIBA..." WEMA

..
Kupitia kipindi chake cha ‘In My Shoes’ cha jana, Wema Sepetu alieleza jinsi alivyojisikia baada ya baadhi ya waigizaji wenzie wa Bongo Movie kugoma kuhudhuria msiba wa baba yake, Balozi Isaac Abraham Sepetu, mwishoni mwa mwezi uliopita kwa madai kuwa yeye hakuwa akifanya hivyo kwenye misiba mingine.


“Imeshatokea, wameacha kuja kwenye msiba, ni wao,” alisema Wema. Sio Bongo movie nzima, ni baadhi tu ya watu ambao wanauelewa na upeo mdogo ambao waliamua kutokuja. Lakini niliona Bongo movie wengi, walikuwepo marafiki zangu wengi, akina Batulli, akina Esha, Wolper alikuja, Lulu, JB alikuja, Jokate alikuja, Adam Kuambiana alikuja. Ambaye napenda nimpe my special thanks and appreciation, ambaye alijitolea from the beginning wa msiba mpaka to the end ni Dokta Cheni kwakweli. Dr Cheni, I thank na ntazidi kumshukuru,” alisema.

“Marafiki zangu kama akina Kajala, akina Zamaradi, wale sio marafiki, wale tayari ni ndugu, kwahiyo siwezi kuwaweka kwenye appreciation wala kwenye thanks.”

Katika kipindi hicho pia, Wema alisema yeye na ndugu zake walijua kuwa baba yako ni muumini wa dhehebu la Roman Catholic siku chache kabla ya kufariki dunia.

Balozi Issac Abraham Sepetu (71), alizikwa kikristo katika kijiji cha Mbuzini,mkoa wa Kusini Unguja October 30 ambapo mazishi yake yalihudhuriwa pia na Rais wa Zanzibar,Dk Ali Mohammed Shein pamoja na viongozi wengine.

Soma Zaidi →

WEMA SEPETU WATAZAMAJI WA SHOW YAKO WENGI NI WATANZANIA WA KAWAIDA SANA, SASA KINGEREZA KINGI CHA NINI?

Ilani: Ukitaka kuangalia kipindi cha reality TV cha Wema Sepetu, ‘In My Shoes’ na shule hukwenda, nakushauri ukae na kamusi ya Kiingereza – Kiswahili ili uweze kwenda naye sawa. Hii ni kwasababu, asilimia 50 ya lugha anayoitumia mrembo huyu ni Kiingereza ambayo kwa Watanzania wengi imewapita kushoto.

Nimesikia watu wengi mno wakilalamika kuwa matumizi ya Kiingereza kingi kwenye show yake yamewafanya wasikipende kipindi hicho na kunifanya nihoji, nani walengwa hasa wa kipindi chake? Kwa niaba yao ningependa kulifikisha ombi lao kwa Wema kuwa atumie zaidi Kiswahili katika kuongea ili wengi wamwelewe. Pamoja na kwamba Wema ndivyo alivyo na hata wakati akihojiwa kwenye TV/RADIO ndivyo huongea, ajizuie katika kipindi chake ili kila mtu amfuatilie.

 
Katika elimu yangu ya uandishi wa habari na utangazaji wa radio/TV nilifundishwa kuwa, wakati wa kuandaa kipindi chochote kile, ni lazima ubainishe, walengwa wa kipindi chako (target audience). Kwa kuangalia umaarufu wa Wema Sepetu, hakuna shaka kuwa walengwa wake wakubwa, ni watu wa kawaida kabisa ambao ndio wanunuaji wakubwa wa magazeti ya udaku yaliyolikuza jina lake nchini na wamekuwa wakimpenda sana.
Kwa namna anavyokiendesha kipindi chake kwa kusimulia matukio yanayooneshwa kwenye kipindi, walengwa ni wale wanaokielewa Kiingereza. Swali ni je, wasomi, raia wa kigeni au watoto wa Masaki, Osterbay na maeneo mengine ya watu wa hali ya juu wanaosoma ama waliosoma kwenye shule za kishua wanakiangalia kipindi hicho? Sio kweli na kama wapo basi ni wachache.
Watu kama hao kwanza hawatumii ving’amuzi vinavyotumika na watu wa hali ya kawaida ambako TV za kibongo zipo. Watu wa maeneo hayo, huangalia DSTV zaidi ambako huko hupenda kuangalia vipindi vya kinyamwezi kama, Keeping Up With the Kardashians, Ice Loves Coco, The Hustle Family ya T.I na Tiny ama The Real Husbands of Hollywood na zingine kibao. TV za kibongo huangaliwa kwa nadra na tena labda wakati wa taarifa ya habari saa 2 usiku, na baada hapo huendelea kuangalia TV za nje.
Kipindi cha Wema Sepetu ambacho huoneshwa na runinga ya EATV, kinaangaliwa zaidi na watu wa kawaida ambao kwa bahati mbaya amekuwa akiwatenga kwa kupenda mno kuongea Kiingereza. Tanzania bado hatujafika huko na hilo Wema anapaswa aliweke kichwani mwake. Asiletee maisha ya Hollywood kwenye kipindi kinachoangaliwa na Mtanzania wa kawaida.
Kama angekuwa hajui kabisa Kiswahili, basi hilo lingeeleweka. Abadilike..

Soma Zaidi →

MAMA DIAMOND AINGILIA KATI PENZI JIPYA KATI YA DIAMOND NA WEMA.....!!

Mama wa Msanii wa ngoma ya Number One, Nasibu Abdul ‘Diamond Platnumz’, Sanura Kasim ‘Sandra’ ameingilia kati penzi lililofufuka upya kati ya mwanaye na staa wa filamu za Kibongo, Wema Sepetu.

Habari za chini ya kapeti zilitonya kuwa baada ya kuambiwa na kuoneshwa picha za Diamond akiwa kimahaba na Wema alikuja juu akidai kuwa hamtaki Wema kwa kuwa anamkubali zaidi Penniel Mungilwa ‘Penny’.
Akizungumza akiwa  nyumbani kwake Sinza-Mori jijini Dar wikiendi iliyopita, bi’mkubwa huyo alisema kuwa kwa sasa hafahamu chochote kuhusu Diamond kurudiana na Wema zaidi ya kusikia kwa watu na kuona picha katika mitandao ya kijamii.
“Kuhusu Nasibu (Diamond) kurudiana na Wema, nasikia tu na kuoneshwa picha namsubiri Nasibu arudi kisha nikae naye ndipo nitatoa tamko,” alisema mzazi huyo.
Mapaparazi wa Ijumaa Wikienda kadiri walivyozidi kumchimba mama mkwe huyo wa Wema ni jinsi gani anavyojisikia kuhusu tabia ya kubadilisha wanawake kama nguo, ikizingatiwa yeye ni mzazi haoni kama mwanaye anamfedhehesha alisema kuwa hayo ni maisha yake.
“Hayo ni maisha yake na mwenyewe kwa kuwa ameshazoea kuonekana katika magazeti kila wakati mi niongee nini wakati ndiyo maisha aliyojiwekea,” alimalizia kusema.

Soma Zaidi →

WEMA AIPASUA BONGO MUVI BAADA YA KUSUSIWA MSIBA WA BABA YAKE....

KLABU ya mastaa wa filamu jijini Dar es Salaam, Bongo Movie ‘Bongo Muvi’ imepasuka katikati kisa kikidaiwa kuwa ni lile tamko linalodaiwa kutolewa na mwenyekiti wa klabu hiyo, Vincent Honorati Lasasi Kigosi ‘Ray’ kuwa mwanachama yeyote wa kundi hilio asitie miguu kwenye msiba wa baba mzazi wa mwenzao, Wema Sepetu, marehemu Balozi Isaac Sepetu.

Baadhi ya wasanii waliohudhuria mazishi ya baba'ke Wema Visiwani Zanziabar.

 Tukio hilo la katazo lilitokea wakati wa maombolezo ya kifo cha mzee Sepetu kilichotokea Oktoba 27, mwaka huu katika Hospitali ya TMJ kwa ugonjwa wa kisukari ambapo msiba ulikuwa nyumbani kwake, Sinza Mori jijini Dar es Salaam.

LAWAMA ZOTE KWA RAY
Kufuatia madai hayo, baadhi ya wasanii wa Bongo Muvi (majina tunayo) wamekuwa wakitoa lawama zao kwa Ray huku wengine wakidai wamejitoa kwenye kundi hilo kwa sababu halina umoja na limejaa unafiki.
Maneno hayo yalianza kusambaa baada ya Wema kumaliza kumzika baba yake Oktoba 31, mwaka huu mjini Zanzibar.
 
RAY AAGIZWA AITISHE KIKAO CHA DHARURA KUMJADILI
Habari za uhakika zinasema kwamba, wasanii waliotangaza kujiengua klabuni humo wameshamuomba Ray aitishe kikao cha dharura kwa ajili ya kuzungumzia hatua yake ya kuwapiga marufuku wasanii hao kutoshiriki msiba wa mzee Sepetu huku akijua wema wa binadamu unapatikana kwenye kushiriki mazishi ya wenzake.
“Kikubwa zaidi ni kwamba, Ray wakati akisambaza zile meseji alisahau kuwa kuna siku Wema aliwahi kuwaalika wasanii wa Bongo Muvi nyumbani kwake Makumbusho (Dar) wakala na kunywa, mbona hawakugoma kwenda?” alihoji staa mmoja aliyepinga katazo la Ray.

Vincent Kigosi ‘Ray’

NJAMA ZA KUINGAMIZA KABISA BONGO MUVI ZAUNDWA CHINI KWA CHINI
Habari zaidi kutoka kwenye kundi linalodaiwa kujimega kwenye mpasuko huo zinasema kuwa kuna njama za makusudi za kuiangamiza klabu hiyo kwa kuwa mbali na mwenyekiti huyo kuwazuia wajumbe wasiende msibani kwa mzee Sepetu lakini imekuwa ikiendeshwa kitemi na kibaguzi.
Ilisemakana kuwa kuna wasanii wameifanya klabu hiyo kama yao huku wengine wakiwa hawatakiwi hata kukohoa jambo walilosema si sawasawa.
“Kwa mpasuko huu, wasanii waliochukizwa na Ray wamesema nao wao wanakazia hapahapa, Bongo Muvi lazima iangamie moja kwa moja, isiwepo tena,” alisema msanii mmoja ambaye jina lake linapanda kwa kasi.
KISINGIZIO CHA WASANII WANAFIKI CHAPINGWA
Maumivu makali zaidi yaliibuka kufuatia baadhi ya wasanii waliotaka kujifanya hawajapata meseji ya Ray ambapo walisema walishindwa kushiriki msiba huo kwa sababu walikuwa ‘shooting’.
“Kuna wasanii walishindwa kuweka wazi kwamba walipokea meseji ya katazo ya Ray, walipopigiwa simu na wenzao kuulizwa kwa nini hawaonekani msibani kwa Wema walisingizia eti wako location wanarekodi!
“Kwa akili za kawaida, mwenzenu kafiwa mnaweza kushikwa na ubize wa kurekodi filamu? Hawa ni wanafiki, walisingizia vile ili ionekane wana hudhuru,” alisema staa mwingine.
MAMA WEMA ASHTUSHWA
Akizungumza na waandishi wetu kwa mara ya kwanza baada ya kusikia mwanaye alisusiwa msiba wa baba yake, mama mzazi wa Wema, Mariam Sepetu alionesha kusikitishwa sana na kitendo hicho.
Alisema kitendo hicho kilitokea wakati ambao Wema au familia nzima ilikuwa inasaka faraja na si mfarakano kwa vile kufiwa kupo na hakuna dalili wala kujiandaa.
“Nilisikitika sana, lakini siwezi kusema mengi kwa sababu vijana wanataka mwongozo ili kwenda mbele, naamini watakaa na kuondoa tofauti zao,” alisema mama huyo mwenye mapenzi makubwa na mastaa wa filamu Bongo.
KATAZO LA RAY
LILISIMAMIA HIVI
Habari kutoka chanzo chetu makini zilidai kuwa hoja dhaifu iliyotumiwa na Ray ni kwamba Wema huwa haendi kwenye misiba ya wenzake hivyo walitaka na yeye amzike baba yake mwenyewe.
MISIBA ILIYOTOLEWA MFANO
Ulitolewa mfano msiba wa aliyekuwa staa wa filamu za Bongo, Juma Kilowoko ‘Sajuki’ aliyefariki dunia Januari 2, mwaka huu ambapo Wema alishindwa kufika kwa sababu alikuwa studio akirekodi wimbo wake mpya ambao haujatoka hadi leo.
MISIBA ALIYOSHIRIKI
Ilidaiwa kuwa Wema huwa hashiriki misiba ya wenzake, ikatolewa mifano misiba miwili aliyoshriki kuwa ni marehemu Sharo Milionea (Hussein Mkiety) na (Steven) Kanumba kwa sababu alikuwa mtu wake.
ANACHOSIMAMIA WEMA
Akizungumzia tukio la kususiwa msiba wa baba yake, Wema alifunguka:
“Nimesikitishwa na kitendo hicho naamini hakikuwa cha haki, mimi nimekuwa nikihudhuria misibani kwa watu mbalimbali na si kweli kwamba niko kivyangu, nimehukumiwa bure.”
RAY AINGIA ‘PANGONI’
Juzi Jumanne, Amani lilimsaka Ray kwa njia ya simu ili aelezee ukweli wa madai hayo lakini aliingia ‘pangoni’ (hakupokea simu).
Hata hivyo, katika gazeti ndugu la hili, Ijumaa la Ijumaa, Novemba Mosi, 2013 ukurasa wa mbele ambapo kuna habari yenye kichwa; WEMA SEPETU ASUSIWA MSIBA, Ray aliulizwa kuhusu madai hayo ambapo alijibu:
“Mh! Kweli Wema haendagi kwenye misiba ya watu, hata mimi sikumuona kwa Sajuki ingawa sijui kama alionekana baadaye ila kwa sasa niko sehemu mbaya nitakupigia baadaye tuongee kwa kirefu.”
Hakupiga.
MASTAA KIDUCHU MSIBANI
Pamoja na katazo hilo la Ray, wasanii wengine waliamua kwenda msibani Sinza – Mori (Dar) na wachache sana kwenye mazishi, Zanzibar.
Baadhi ya wasanii hao ni pamoja na Kajala Masanja, Elizabeth Michael ‘Lulu’, Mahsein Awadh ‘Dk. Cheni’, Jacob Stephen ‘JB’, Yobnesh Yusuph ‘Batuli’, Salum Mchoma ‘Chiki’, Ahmed Olotu ‘Mzee Chilo’ na Jacqueline Wolper.
WASIOFIKA MSIBANI
Wengi walimsusia msiba Wema, lakini majina makubwa zaidi wakiongozwa na Ray mwenyewe ni Single Mtambalike ‘Richie’, Steven Mengele ‘Steve Nyerere’, Irene Paul, Blandina Chagula ‘Johari’, Ndumbangwe Misayo ‘Thea’ na Ruth Suka ‘Mainda’.

Soma Zaidi →

MUONEKANO MPYA WA WEMA SEPETU BAADA YA MSIBA WA BABA YAKE....

Soma Zaidi →

WASANII WAHASWA KUMFARIJI WEMA SEPETU..!!

Watanzania hususan wadau wa burudani wameombwa kumpa sapoti mwigizaji na Miss Tanzania 2006 Wema Sepetu katika kipindi kigumu alichonacho kufuatia kupata msiba wa baba yake mzazi,  Balozi Isaak Abraham Sepetu.

Meneja wa mwigizaji huyo, Martin Kadinda ameliambia Mwananchi kuwa ingekuwa vizuri zaidi kama washabiki na wapenzi wa burudani kwa jumla wakashirikiana naye katika kumpa sapoti mwigizaji huyo.

“Wema anapitia kipindi kigumu sana, nafikiri kila mmoja wetu anaelewa uchungu wa kufiwa na mzazi. Naomba kwa niaba yake tuungane pamoja kumfariji yeye na familia yake ili waweze kupita salama katika kipindi hiki”, anasema Martin.

Baba wa Wema Sepetu  Balozi Isaac   Abraham Sepetu alifariki dunia  Jumapili wiki iliyopita katika Hospitali ya TMJ alikokuwa akitibiwa ugonjwa wa kisukari pamoja kiharusi.

Balozi Sepetu alizikwa siku ya Jumatano Oktoba 30, 2013 kijiji cha Mbuzini, Mjini Magharibi Unguja.

Mwanamuziki Diamond ni kati ya walioshiriki msiba wa baba Wema, hali iliyosababisha baadhi ya watu kujiuliza kama wawili hao ambao waliwahi kuwa na uhusiano, wanarudiana au aliamua tu kuja kama walivyo watu wengine.

Soma Zaidi →

WADAU WAPITISHA NDOA YA WEMA SEPETU NA DIAMOND....

Wadau na mashabiki wa mastaa wawili nchini, Wema Sepetu wa Bongo Movie na Nasibu Abdul ‘Diamond’ wa muziki wa kizazi kipya, wamebariki ndoa ya wapenzi hao kwa kusema kuwa ni watu wanaoendana na kutegemeana kwa kiasi kikubwa.
Mwanzoni mwa wiki hii, Wema na Diamond walitupia katika kurasa zao za mitandao ya kijamii picha zao, ambazo zinaonekana zilipigwa eneo moja kwa simu moja na hivyo kuwapa wakati mzuri mashabiki wao ambao walionekana kupendezwa na uhusiano wao na kupendekeza waoane.
“Hii ndiyo couple bomba zaidi ya wasanii Bongo, kwa nini msioane? Mnapendeza sana jamani, ebu Diamond Platnumz achana na Penny bwana, huendani naye kwanza kuna mambo ya dini na nini…,” aliandika shabiki mmoja.

Mwingine aliandika: “Nadhani Penny angejiweka tu pembeni awaache hawa wawili, ni mastaa kwa fani zao, yeye angeendelea tu na kazi yake ya utangazaji. Kwanza kwake ni maumivu tu kuwa na msanii ambaye ana shughuli nyingi za kisanii, bora wale wenyewe wanajuana.”
Ingawa kwa muda mrefu Diamond amekuwa akikanusha kurudiana na Wema, hivi karibuni picha zao zilivuja katika mitandao ya kijamii wakiwa China wakila bata na alipoulizwa, ‘alizuga’ eti walikuwa wakitengeneza filamu.
Hata hivyo, uchunguzi wa gazeti hili umebaini kuwa, wadau wengi wanaamini Wema na Diamond wanapendana kwa dhati hivyo wakapendekeza wafunge ndoa na kuyaacha maisha mengine yaendelee kuwepo kuliko kuachana kisha kurudiana mara kwa mara.

Soma Zaidi →

"NILISHAWAHI KUROGWA NA NAAMINI USHIRIKINA UPO....." WEMA SEPETU

STAA wa filamu za Kibongo Wema Sepetu amefunguka kuwa katika maisha yake aliwahi kufanyiwa mambo ya ushirikina(kurogwa) bila kufafanua alirogwa na nani na alipatwa na nini au ugonjwa gani.

Wema amefunguka kupitia kipindi chake cha In My Shoes kinachorushwa kila jumatano kupitia East African TV ambapo aliulizwa kama kama anaamini ushirikina upon a kama alishawahi kurogwa ambapo alijibu kuwa anaamini ushrikina upo ila haupi nafasi katika maisha yake kwani anamuamini Mungu.

‘Yaah!Nilishawahi kurogwa na naamini ushirikina upo ila siupi nafasi katika maisha yangu namuamini Mungu tu,’alisema Wema

Soma Zaidi →

DIAMOND KUBADILISHA WANAWAKE NDIO MAISHA YAKE ALIYOJIWEKEA KWA KUWA AMESHAZOEA KUONEKANA KATIKA MAGAZETI KILA WAKATI...MAMA DIAMOND

MAMA mzazi wa mkali wa ngoma ya Number One, Nasibu Abdul ‘Diamond Platnumz’, Sanura Kasim ‘Sandra’ ameingilia kati penzi lililofufuka upya kati ya mwanaye na staa wa filamu za Kibongo, Wema Sepetu.
Habari za chini ya kapeti zilitonya kuwa baada ya kuambiwa na kuoneshwa picha za Diamond akiwa kimahaba na Wema alikuja juu akidai kuwa hamtaki Wema kwa kuwa anamkubali zaidi Penniel Mungilwa ‘Penny’.
Akizungumza na Ijumaa Wikienda nyumbani kwake Sinza-Mori jijini Dar wikiendi iliyopita, bi’mkubwa huyo alisema kuwa kwa sasa hafahamu chochote kuhusu Diamond kurudiana na Wema zaidi ya kusikia kwa watu na kuona picha katika mitandao ya kijamii.
“Kuhusu Nasibu (Diamond) kurudiana na Wema, nasikia tu na kuoneshwa picha namsubiri Nasibu arudi kisha nikae naye ndipo nitatoa tamko,” alisema mzazi huyo.
Mapaparazi wa Ijumaa Wikienda kadiri walivyozidi kumchimba mama mkwe huyo wa Wema ni jinsi gani anavyojisikia kuhusu tabia ya kubadilisha wanawake kama nguo, ikizingatiwa yeye ni mzazi haoni kama mwanaye anamfedhehesha alisema kuwa hayo ni maisha yake.
“Hayo ni maisha yake na mwenyewe kwa kuwa ameshazoea kuonekana katika magazeti kila wakati mi niongee nini wakati ndiyo maisha aliyojiwekea,” alimalizia kusema.
Imeandikwa na Shakoor Jongo na Musa Mateja.

Soma Zaidi →

"DIAMOND NA WEMA SEPETU WAMERUDIANA...." NI MOVIE KWELI AMA PUBLICITY STUNT?

Let’s face this big elephant in the room…Diamond Platnumz na Wema Sepetu wana agenda ya siri. Naiita agenda ya siri kwakuwa kuna maswali makubwa mawili ambayo mimi na watu wengine wengi tunahisi Diamond anakificha kuhusu uhusiano wake na Wema Sepetu.
Swali la kwanza ni Diamond na Wema wamerudiana tena? Jibu la swali hili lilitolewa juzi na Diamond mwenyewe:
Kumekuwa na uvumi na habari nyingi sana mitandaoni na kwenye media tofauti… kwamba mimi na mwanadada Wema Sepetu tuna mahusiano ya kimapenzi, kitu ambacho sikweli na taarifa hizo ni za uongo.. uvumi huu ulianza kisa tu yeye kucomment kwenye account yangu ya instagram?..Hebu tujifunze kubadilika, inamaana watu mkiwa hamko kimahusiano ya mapenzi basi msizungumze ama kushiriki kwa chochote? Futeni huo uzamani na mbadilike, ina maana mnapenda kuona watu wanauadui… Ni muda wa kufanya kazi ili kulipa sifa na heshima taifa la Tanzania na si kuekeana chuki zisizo na faida..I real love my Penny,sijarudiana na Wema.”
Baada ya Diamond kuandika hivyo, swali hilo likaanza kupotea.
Lakini jana na leo swali hilo limekuja tena kwa kasi baada ya kuonekana picha mpya za Diamond na Wema Sepetu wakiwa pamoja katika nchi ya barani Asia ambayo bila shaka ni Malaysia ambako Diamond alikuwa ameenda kufanya show. Kwa picha hizo ni wazi, Diamond na Wema walienda pamoja. Picha za wapenzi hao wa zamani zimesambaa kwenye akaunti ya Instagram ya msichana anayejiita Chynabongo na sasa zimeshasambaa kama kila kona.


Baadaye Diamond naye akaweka picha moja kati ya hizo zilizowekwa na Chyna na kama kawaida yake akasema ni movie mpya inakuja.

“Katika moja ya muvie ambazo naimani itakuwa ni Gumzo, Mfano na Bora toka Tanzania basi ni hii… #TEMPTATIONS …. STAY TUNED!!!! SOON!….#DayOne #Location #SomeWhere,” ameandika.
Kufanya movie ni kisingizio nambari moja cha Diamond. Nikukumbushe kuwa kabla ya uhusiano wake na Penny kufahamika, ilileak picha yao wakionekana wakiwa wamelala, na wote kwa pamoja wakadai walikuwa location wakifanya movie mpya, ambayo hadi leo haijaingia sokoni... tutaingoja hadi miguu iingie tumboni.
Kufanyika kwa movie ya Diamond na Wema si kitu kigeni kusikika kwani tangu mwaka jana kulikuwa na taarifa hizo na tayari ilidaiwa walikuwa wameshalipwa. Kama watu wengine, nashindwa kuamini kwa haraka kuwa picha hizi zina ukweli wowote kuhusu kisingizio cha Diamond kuwa hiyo ni movie. Hata hivyo hivi karibuni, Wema alisema ameandaa surprise kubwa kwa mashabiki wake, labda hii ndio yenyewe basi…
“What more can I say other than thank ol my beloved fans for all da love nd support uve bin showing me nd naamini hamtoacha maana you guys are jus amazing…. kuna kitu nataka kufanya jus to show my appreciation… its a Surprise I wont tel… ila im sure y’all are gon die… nat die die, but y’all are gon b soooo happy… nawapenda mpaka basi…. thank y’all sooo much,” aliandika Wema kwenye Instagram.
Kama Wema na Diamond hawajarudiana, basi wawili hawa wanajua kucheza vizuri na akili za watu na uwezo huo ndio umewafanya wasiwe na mpinzani katika kutafuta ‘publicity stunts’. Uwezo huo ndio umewafanya wawe mastaa wanaongoza kwa kutawala kwenye magazeti ya udaku.
Picha hiyo ya Diamond na Wema imeshavutia comments zaidi ya 500 na like zaidi ya 2, 000 kwenye Instagram, na kwenye Facebook imepata comments zaidi ya 400 na likes zaidi ya 900 kwenye Facebook. I guess that what’s Diamond likes right? Confusing people’s minds.. and he is good at it. Na sasa tayari, Wema na Diamond wanatrend tena…kila website/blog leo ina habari yao.… mission accomplished.
Okay, tunaisubiria Temptations kwa hamu kubwa lakini tusije kuisubiria kwa muda mrefu kama tunavyoendelea kuisubiria ile ya Diamond na Penny.

Soma Zaidi →

WEMA, DIAMOND WAMTESA PENNY....

Wema Isaac Sepetu na Nasibu Abdul ‘Diamond Platnumz’ enzi za penzi lao.

ISHU ya wapenzi zilipendwa, Wema Isaac Sepetu na Nasibu Abdul ‘Diamond Platnumz’ kudaiwa kurudiana inadaiwa kumtesa mpenzi wa sasa wa Diamond ambaye ni mtangazaji wa DTV, VJ Penniel Mungilwa ‘Penny’ hivyo kulazimika kukiri kuwa hajawahi kupitia wakati mgumu kama anaopitia sasa.

Kwa mujibu wa vyanzo vya karibu na Penny, mwanadada huyo amekuwa akikosa amani kila anaposikia habari za Wema kurudiana na Diamond hivyo kuwa katika wakati mgumu.
“Watu wanapomwambia au kumuuliza Penny habari za Diamond kurudiana na Wema amekuwa akiumia sema tu watu hawajui,” kilisema chanzo hicho.
Hata hivyo, baada ya taarifa hizo kuwa habari ya mjini, mwishoni mwa wiki iliyopita, Penny alifunguka kupitia ukurasa wake wa Instagram kuwa anachokifanya ni kuhakikisha anamshikilia staa huyo wa Bongo Fleva hadi hapo Mungu atakapoamua vingine.
“Katika uhusiano niliowahi kuwa nao huu ni mgumu mno,” ilisomeka sehemu ya utetezi wa Penny aliouandika juu ya penzi lake na Diamond.

Penniel Mungilwa ‘Penny’.

Hakuishia hapo kwani aliendelea kujitetea kwa wadau wake ambao walimjibu kuwa kinachoonekana anamhofia Wema ambaye akikita penzi lake kwa Diamond, kwa ustaa wake, atamfanya mwanamuziki huyo kuendelea kuliweka juu jina lake.
Katika maelezo yake, Penny alikiri kuwa mapenzi yanatesa lakini anaamini mateso hayo ni ya muda tu hivyo liwalo na liwe yeye anampenda Diamond.
Wiki iliyopita, Wema na Diamond waliripotiwa wakidaiwa kurejesha upya penzi lao lililozimika mwaka jana, jambo ambalo lilimpa Penny wakati mgumu huku akieleza kuwa anachoamini ni kuwa yeye ndiye mmiliki halali wa penzi hilo.

Soma Zaidi →

NEY WA MITEGO AFUNGUKIA ISHU YA KUPIGWA KIBUTI NA WEMA SEPETU...!!

WIKI iliyopita tulimleta kwenu msanii wa Bongo Fleva anayetamba na ngoma aliyomshirikisha Nasibu Abdul ‘Diamond Platnumz’ ya Muziki Gani, Emmanuel Elibariki ‘Nay wa Mitego’ ili umchambue ambapo mlituma maswali, hapa anajibu na kufafanua moja baada ya lingine. SHUKA NAYO…

PONGEZI
Nakukubali sana kaka na ngoma zako unavyochana ukweli, kaza buti utafi ka mbali. Roja, Dar, 0657888221
NAY WA MITEGO: Asante.
VIPI KUHUSU NISHA?
Nay wa Mitego uliwahi kuwadisi Bongo Movies na kusema kwamba wanawake wote wanaojiuza wanatoka kwenye tasnia hiyo, je, ilikuwaje ukatoka na Salma Jabu ‘Nisha’ kwani yeye si mmoja wa Bongo Movies? Rocky, Moshi, 0715289337
NAY WA MITEGO: Sijawahi kutoka na Nisha ni mshkaji wangu tu.
YEYE NA DIAMOND
Kwanza hongera kwa kazi zako nzuri kaka, naomba kufahamu kuhusu ule wimbo uliokuwa ukimrekebisha tabia dogo (Diamond), hivi aliyetunga ni wewe au yeye au mlikaa chini na kutunga pamoja? Siyo siri umetulia hongereni sana. Julianitha Jamushi, Dar, 0712089824
NAY WA MITEGO: Asante, Muziki Gani tumeandika pamoja.
USHAURI
Nakukubali kiukweli Nay, mistari yako imesimama kinoma kwani unawachana live, wewe usiwaogope endelea kuwachana mpaka watakapobadilika. Joseph, Dar, 0757247473
NAY WA MITEGO: Hivyo ndivyo ilivyo.
MSAADA


Kaka Nay hongera, wewe ni mkali pia nakukubali ila ningependa unisaidie mimi nina kipaji cha kuimba lakini sielewi nifanyeje, naomba msaada ili kuinua kipaji changu. Ester Samweli, 0718259330
NAY WA MITEGO: Siku tukionana ndiyo tutajua tunafanyaje maana lazima nijue kama kweli unaweza kuimba.
MIPANGO YA BAADAYE
Nay wa Mitego nini mipango yako ya baadaye kuhusiana na fani ya muziki? Mbali na muziki unajishughulisha na nini? Salim Liundi, Dar, 0658110395
NAY WA MITEGO: Mipango ya baadaye ni mingi na itakuwa inaonekana kikubwa tuombeane heri tu, tofauti na muziki mimi ni
mfanyabiashara.
KUHUSU NIKKI MBISHI
Nay vipi una mpango wa kumjibu Nikki Mbishi kwenye wimbo wake mpya alioupa jina la Ney wa Mitego? Riziki Minde, Dar, 0716000045
NAY WA MITEGO: Siwezi kumjibu.
ALIKOTOKEA
Kaka Nay unatokea mkoa gani na una miaka mingapi? Amon, Dar, 0766420999
NAY WA MITEGO: Mimi nimezaliwa Manzese, Dar, Mbeya na Moshi ni kwetu maana mama yangu ni mtu wa Mbeya na baba ni wa Moshi, nina miaka 28.
ANAOMBA UNDUGU
Nakukubali sana Nay kwa kazi yako, ningependa uwe kaka yangu. Amina, Moro, 0652139835
NAY WA MITEGO: Hakuna tatizo, karibu.
VIPI KUHUSU MAGE?
Nakubali kazi zako kaka, eti ni kweli uliwahi kutoka kimapenzi na msichana anaitwa Mage, kipindi hicho ukiwa kinyozi? Sauda, Moro, 0655466809
NAY WA MITEGO: Simjui.
YEYE KUPAKA ‘MEKAPU’
Nay wewe unamtukana Chid Benz kutoboa pua hatukatai ni life staili yake, mbona wewe unapaka ‘mekapu’ na unatinda nyusi hawakusemi? Kapeloo Gamba, Dar, 0713094398
NAY WA MITEGO: Sijawahi kupaka mekapu wala kutinda nyusi.
NI MMACHAME?
Nay mambo vipi, je, ni kweli wewe ni Mmachame wa Uduru (Kilimanjaro)? Msomaji, 0714300280
NAY WA MITEGO: Mimi ni Mmachame lakini sijui wa wapi.
ALIKUWA KINYOZI?
Nakukubali Nay kwa kazi zako ila mimi nakufahamu ulikuwa kinyozi hapo Manzese darajani na ulikuwa na mpenzi anaitwa Magreth, alikuwa anakaa Manzese uzuri na mlishawahi kwenda kupima kwa nia ya kukaa naye lakini pia una mtoto. Msomaji,
0655222782
NAY WA MITEGO: Huyo Magreth simjui kwani katika historia yangu ya uzinzi sijawahi kuwa na msichana mwenye jina hilo, kweli nilikuwa kinyozi na nina mtoto.
ETI WEMA ALIMKATAA?
Kaka Nay nakushauri upige kazi, hivi ni kweli Wema Sepetu alishawahi kukukataa kimapenzi ndiyo maana unampondaga? Msomaji, 0754031039
NAY WA MITEGO: Haijawahi kutokea, Wema ni mshkaji wangu mbona!

Soma Zaidi →

"MIMI NA WANAUME DAMU DAMU".....WEMA SEPETU

HABARI zinasema kwamba staa wa filamu za Kibongo, Wema Isaac Sepetu, ‘Beautiful Onyinye’ ameongeza idadi ya wanaume katika uhusiano wake na kuzidi kuwa katika chati ya magazeti ya Bongo, Risasi Jumamosi lina habari kamili

Wema ambaye ni Mkurugenzi wa Kampuni ya Endless Fame, anadaiwa kuwa beneti na kijana aitwaye Robby lakini mwenyewe amesema kwamba hakuna anayeweza kumtenganisha na wanaume.
Habari zinasema kuwa, Wema na Robby wamekuwa wakipiga picha za kimahaba na mnyange huyo kuziingiza kwenye mtandoa wake na kumtambulisha kijana huyo kwa jina la ‘Honey’
Risasi Jumamosi lilifanya juu chini na kumsaka Wema ili kumtaka ajibu tuhuma za kuwa katika mahaba na kijana huyo.

Mei 22 mwaka huu, mwandishi wa gazeti hili alifika ofisini kwa mrembo huyo, Mwananyamala Komakoma jijini Dar es salaam na kumbana kwa maswali juu ya kuvuja kwa picha zake hizo akiwa na Robby na nyingine akiwa na wanaume wengine tofauti.

“Watu wamekuwa wakinizungumzia kila kukicha, tena maongezi yao yamekuwa yakianzia kwenye baadhi ya picha zangu, kila mtu ana namna ya kutengeneza ‘laifu’ yake na miye huwa sioni shida mwanaume asiye hawara yangu kunikisi au miye kumkisi,” alianza kujitetea.

“Ukifuatilia historia yangu mara nyingi utagundua marafiki zangu wengi ni wanaume kuliko wanawake na wengi wao wanakuja kwangu, tunakunywa na wanaondoka mida mibovu, kwa asiyenijua anaweza kuhisi ni mabwana zangu kumbe siyo, hata kwenye mitandao huwa sioni tabu kuweka picha za mtu akinikisi au nikimkisi,” aliendelea kusema.
 

“Siwezi kubadilika hii ni life style yangu. Siwezi kuacha kuwa karibu na marafiki wa kiume, hivyo ndivyo nilivyoumbwa watu wasinishangae, suala la kukutana na mtu na kupiga naye picha siyo ishu kwangu, ningekuwa mtu wa ajabu sana kama ningekuwa nawakisi midomoni au wao kunikisi mdomoni,” aliongeza.
Wema amesema kuwa watu wana hisia mbaya juu yake na Robby jambo ambalo siyo sahihi kwa kuwa, katika maisha yake anawapenda marafiki wa kiume zaidi ya wanawake.

Soma Zaidi →

WEMA SEPETU APATA SHAVU DARLING HAIR, SASA KUWA MSANII WA BONGO ANAYEINGIZA MKWANJA MREFU KULIKO WOTE..!!

Miss Tanzania 2006 na muigizaji wa filamu Wema Sepetu amepata mchongo wenye pesa ndefu kutoka kampuni ya nywele ya Darling Hair Tanzania.

Kwa mujibu wa meneja wake, Martin Kadinda mkataba huo utamfanya Wema awe staa mwenye thamani kubwa zaidi Tanzania ingawa amesema si kawaida yao kutaja kiasi cha fedha.

Deal hiyo itamuonesha Wema akiwa kama msemaji na sura wa Darling Hair Tanzania.

Soma Zaidi →

"BILA MILIONI 10 HAUMPATI WEMA KWENYE FILAMU YAKO"...!!

MWIGIZAJI Mahiri wa filamu Bongo Wema Abraham Sepetu ndiye msanii anayelipwa fedha nyingi kuliko msanii yoyote wa filamu katika kushiriki katika filamu kutoka kwa watayarishaji wengine ili uweze kumshirikisha Wema Sepetu katika filamu yako kama mwigizaji bila kujali anacheza scene ngapi gharama yake ni milioni kumi.

Wema ambaye kwa sasa anamiliki kampuni yake ya utengenezaji wa filamu inayojuklikana kwa jina la Endless Fame Film anasema kuwa moja ya sababu inayomfanya aweze kuchaji gharama hiyo inajumuisha na kutumia kampuni yake pamoja yeye mwenyewe kuigiza katika filamu hiyo, kwa hiyo ni wajibu wa mhusika kumudu gharama hizo.

“Yaah kama mtayarishaji ananihitaji kushiriki katika filamu yake atatakiwa kunilipa kiasi cha shilingi milioni kumi kwa kushiriki katika filamu yake, lakini pia kuzingatia ratiba ya utendaji usiingiliane na kazi zangu nyingine,”alisema Wema.

Inasemekana kuwa Wema ndio 

msanii wa kike anayeuza filamu kuliko mwigizaji wa filamu wa kike, pengine ndio sababu ya kuweza kutoza gharama kubwa katika kushiriki filamu nje ya kampuni yake unapomuhitaji Wema kwa ajili ya mapatano unaongea na mtendaji wake wa karibu Chiddy Classic.

Gharama hizo ndio kubwa kwani hadi sasa msanii ambaye amelipwa kwa kiwango cha juu ilikuwa ni milioni tano ikiwa kama ndio kikomo cha malipo kwa wasanii wenye majina na wamiliki wa makapuni yao, msanii kama Ray the Greatest hanunuliki kwani si rahisi kushiriki nje ya kampuni yake ya RJ Company.

Soma Zaidi →

MDOGO WA WEMA SEPETU APIGWA CHINI MISS KILIMANJARO....

MREMBO, Winnie Shayo, amefanikiwa kutwaa taji la Redd’s Miss Hai 2013 katika shindano lililofanyika katika Hoteli ya Snow View iliyopo Bomang’ombe, mwishoni mwa wiki mjini hapa baada ya kuwashinda wenzake kumi akiwamo mdogo wa Wema Sepetu.

Nafasi ya pili ilichukuliwa na mshiriki Mary Chemponda huku nafasi ya tatu ikienda kwa Catherine Leonard.
Warembo 10 waliokuwa wakiwania taji hilo katika shindano la kwanza la kufungua pazia kwa upande wa mashindano ya Mkoa wa Kilimanjaro, walipita jukwaani na vazi la ubunifu la jioni kisha kuhitimisha na vazi la ufukweni.

Winnie, ambaye ni mwanafunzi wa masomo ya uhasibu nchini Uganda, akizungumza na Tanzania Daima alisema nia yake ni kujiendeleza kimasomo, lakini bado ana mapenzi kwenye sekta ya ulimbwende na kusisitiza kuwa faraja anazopata kutoka kwenye familia hasa wazazi wake ndizo zilizofanya yeye kuingia kwenye shindano hilo.

Alisema amejisikia furaha baada ya kufanikiwa kushika nafasi hiyo na kwamba, anatamani kuwa mwakilishi mzuri wa mashindano yaliyoko mbele yake, yakiwemo ya ngazi ya mkoa, kanda na hatimaye taifa.

Shindano hilo lilisindikizwa na burudani kutoka kwa msanii wa muziki wa kizazi kipya, Rich Mavoko na kuhudhuriwa na mamia ya mashabiki wa urembo kutoka katika miji ya Moshi na Arusha, wengi wao wakiwa ni wafanyabiashara wa madini katika mji wa Mererani.

Warembo hao walipatikana kutoka vitongoji vya Kwa Sadala, Boma Ng’ombe, Sanya Juu, Machame na KIA, ambako miongoni mwao ni mdogo wa mrembo wa zamani wa Miss Tanzania 2006, Wema Sepetu, Weru Sepetu, ambaye hata hivyo hakufanikiwa kuingia hata tano bora.

Warembo wengine walioshiriki shindano hilo ni pamoja na Zena Ally na Ivony Steven ambao walifanikiwa kuingia hatua ya tano bora huku Sharon Abdallah, Julieth Kimaro, Rehema John na Modesta Joseph wakiishia hatua ya awali.
Shindano hilo limedhaminiwa na Kampuni ya Bia Tanzania (TBL), kupitia kinywaji chake cha Redd’s, Fem Security, Bonite bottlers, Snow View Hotel, Panone pamoja na migodi ya madini ya Anglo America Mining na Manga Germ.

Soma Zaidi →